Sjómannadagsblaðið - 01.06.1982, Page 13

Sunnudaginn 14. júní var Sjó-
mannadagurinn, sá 44., hátíðlegur
haldinn um land allt.
Lóðir umhverfis Hrafnistu í
Reykjavík og Hafnarfirði voru
fánum skreyttar. Veður var gott,
þótt nokkuð svalt væri.
Kl. 10.00 lék Lúðrasveit
Reykjavíkur sjómannalög við
Hrafnistu í Reykjavík og Lúðra-
sveit Hafnarfjarðar við Hrafnistu í
Hafnarfirði.
Kl. 11.00 hófst minningarguð-
þjónusta í Dómkirkjunni, þar sem
dómprófasturinn séra Ólafur
Skúlason minntist þeirra sjó-
manna sem drukknað höfðu frá
síðasta Sjómannadegi, en þeir
voru 16 talsins. Séra Hjalti
Guðmundsson þjónaði fyrir alt-
ari. Á meðan séra Ólafur Skúla-
son minntist sjómanna, var lagður
blómsveigur að minnisvarða
óþekkta sjómannsins í Fossvogs-
kirkjugarði.
Eftir hádegið, kl. 13,30 hófust
útihátíðarhöld Sjómannadagsins í
Nauthólsvík með leik Lúðrasveit-
ar Reykjavíkur, en áður höfðu
aðildarfélög Sjómannadagsráðs í
Reykjavík myndað fánaborg með
félagsfánum og íslenskum fánum.
Kl. 14.00 setti kynnir dagsins,
Guðmundur Hallvarðsson, for-
maður Sjómannafélags Reykja-
víkur, hátíðina.
Síðan fluttu ávörp f.h. ríkis-
stjómarinnar Steingrímur Her-
mannsson sjávarútvegsráðherra,
f.h. útgerðarmanna Kristinn Páls-
son útgerðarmaður frá Vest-
mannaeyjum, og f.h. sjómanna
Hannes Hafstein, framkvæmda-
stjóri Slysavamafélags íslands.
Að ræðuhöldum loknum heiðr-
aði Pétur Sigurðsson, formaður
Sjómannadagsráðs, aldraða sjó-
menn með heiðursmerki Sjó-
mannadagsins, en þeir voru að
þessu sinni: Guðmundur Valdi-
mar Guðmundsson skipstjóri, fé-
lagi í skipstjóra- og stýrimanna-
félaginu Aldan, Snorri Júlíusson
háseti, félagi í Sjómannafélagi
Reykjavíkur og Eyjólfur Júlíus
Einarsson vélstjóri, félagi í Vél-
stjórafélagi Islands.
Þá voru veitt afreksbjörgunar-
verðlaun og hlaut þau Steingrím-
ur Sigurðsson skipstjóri á m/b
Bjamarey frá Vestmannaeyjum.
Um Steingrím sagði Pétur Sig-
urðsson m.a.:
„í nóvember 1978 var Bjamar-
ey á síldveiðum skammt frá Ing-
ólfshöfða. Þegar verið var að kasta
nótinni flæktist hanafótur um
annan fót sonar Steingríms, Sig-
urð Óla, sem þá var 17 ára og tók
hann fyrirborð. Steingrímurbeitti
skipinu meistaralega, sem að
sjálfsögðu var erfitt með nótina
úti, en kom því þvert af Sigurði
sem þá hafði losnað og skotið upp
og sást fyrir sérstaka mildi í geisla
ljóskastarans. Steingrímur stöðv-
aði vél bátsins, greip bjarghring,
stakk sér og synti að Sigurði og
kom honum yfir höfuð og undir
annan handlegg hans. Sigurður,
sem var algallaður og þungur, var
orðinn allþrekaður en með fullri
meðvitund. Skipveijar hentu út
línu sem Steingrímur náði til, voru
þeir feðgar dregnir að skipinu og
bjargað um borð. Hríð var og
dimmt, slæmt skyggni og vindur
af NA 4—5 vindstig þegar at-
burður þessi gerðist."
„Síðari atburðurinn skeði nú í
vetur. Bjamarey var að leggja nót
12 sjómílur undan Hjörleifshöfða,
þegar Guðmund Gíslason, 17 ára
háseta tók út, er steinateinn
flæktist um úlnlið hans og dró
hann í sjóinn. Veður var VNV
4—6 vindstig, éljagangur og tals-
verður sjór. Steingrímur snéri
bátnum þegar og strax var byrjað
að hífa inn trossuna, væri maður-
inn enn fastur við hana. Þá skaut
honum upp og var þá skorið á
trossuna, bátnum beitt til hins ítr-
asta að manninum og hann
stöðvaður þannig að hann ræki í
átt að honum. Steingrímur vildi
ekki eyða meiri tíma í að koma
bátnum nær Guðmundi sem
maraði í sjóskorpunni, sýnilega
aðframkominn og kannske slas-
aður. Hann greip bjarghring,
kastaði sér fyrir borð og synti að
honum. Ekki gat hann komið
hringnum á Guðmund, en hélt
honum uppi. Steingrímur hafði
synt með línu festa í bjarghringinn
og á henni voru þeir dregnir að
bátnum og þar gat Steingrímur
bundið um hann færi og var hann
síðan dreginn um borð. „Ég var
alveg að fara, ég var alveg búinn
og kominn að því að sökkva, þeg-
ar Steingrímur náði til mín“, sagði
Guðmundur eftir björgun sína.“
Síðan hófust skemmtiatriði í
Nauthólsvík. Kappsiglingar-
keppni félaga úr Siglingasam-
bandi íslands. Keppt var í tveim
flokkum seglskúta. I „Fire Ball“
flokki sigruðu þeir Jón Jónsson og
ísleifur Friðriksson og í „opnum
flokki“ sigraði Rúnar Steinsson.
Þá fór fram kappróður, þar sem
kepptu þrjár skipshafnir, tvær
kvennasveitir og níu sveitir
vinnuflokka í landi.
„Fiskimann Morgunblaðsins“
vann skipshöfnin á m/s Bjama
Sæmundssyni, önnur var sveit b/v
Snorra Sturlusonar, og þriðja sveit
m/s Ásbjöms RE. í kvennaflokki
sigraði sveit BÚR og í keppni
landsveitar sigraði sveit Sendi-
bílastöðvarinnar h/f, en hún hef-
ur sigrað í fimm ár í röð.
Stakkasund fór fram og kepptu
þar þrír bræður, allir starfandi í
frystihúsi ísbjamarins h/f í
Reykjavík, þeir Jón B. Sigurðsson,
sem sigraði, Einar G. Sigurðsson
sem varð annar og Pétur Sigurðs-
son þriðji. Þá fór fram koddaslag-
ur við mikla kátínu viðstaddra.
Merki dagsins og Sjómanna-
dagsblaðið var selt á hátíðar-
svæðinu, svo og um allt land.
Dagskrá Ríkisútvarpsins var að
hluta tileinkuð sjómönnum undir
stjóm og eftirliti Guðmundar
Hallvarðssonar.
SJÓMANNADAGSBLAÐIÐ 11