Eimreiðin - 01.10.1953, Blaðsíða 20
256
VALTÍR Á GRÆNNI TREYJU
eimreiðin
hin mikla ætt frá Gunnlaugi presti Sölvasyni er þá um Fljótsdals-
hérað. Bræður Valtýs aðrir eru Oddur, faðir Sigurðar smiðs a
Ljósavatni, föður þeirra Rutar og Júditar, skáldanna nafnkunnu,
samanber vísu þeirra: „Er nú dauður afi minn, Oddur sauða-
þjófur“, og Jón, sem síðan bjó í Hólseli, faðir hinna einkennilegu
og gáfuðu Fjallbræðra, sem líka voru kallaðir fjallaþjófar, og
eru geysi kynsælir menn í landinu. Næst finnum við Valtý, bónda
í Möðrudal, líklega frekar á Kjólsstöðum í Möðrudal, samanber
eyðisögu Möðrudals á þessum tíma, árið 1723. Um það leyti
kvænist hann Svanhildi, dóttur Guttorms bónda í Hjarðarhaga
á Jökuldal, Sölvasonar, Gunnlaugssonar prests í Möðrudal, er
áður gat. Hafa þau hjón þá verið þremenningar að frændsemi,
en slíkar skyldleikagiftingar verða tíðast með íslendingum á þeim
og eftirfarandi tíma. Svanhildur er fædd 1701, og eignast mörg
systkini, sem flest búa í Héraði á þessum tíma, Jón, líklega 1
Hjarðarhaga, síðar á Ásbrandsstöðum í Vopnafirði, Sólrúnu, konu
Sveins Jónssonar á Torfastöðum í Hlíð, Jón, sonur þeirra, er bjó
á Hákonarstöðum og Syðrivík, er fæddur 1748, Árni, er bjó i
Hjarðarhaga, líklega yngstur af börnum Guttorms. Jón sonur
hans deyr 1854, talinn 104 ára, en hefur verið 99 ára og þvl
fæddur 1755. Árni býr enn í Hjarðarhaga 1762. Börn Sölva Gunn-
laugssonar, önnur en Guttormur í Hjarðarhaga, voru: Eiríkur
prestur í Þingmúla, Gunnlaugur á Fossvallaseli, Ingibjörg, kona
í Geitdal, Ragnhildur, kona á Þorvaldsstöðum í Skriðdal og Guð-
ný, kona í Snotrunesi í Borgarfirði. Börn þessara systkina eru
víða um hérað 1754, en þó flest í Skriðdal. Kona Sölva Gunn-
laugssonar, er bjó í Hjarðarhaga, var svo Helga, dóttir séra Sig-
fúsar í Hofteigi, Tómassonar, hins kynsæla, og þarf nú ekki að
benda á stærri frændagarð Valtýs í Garði í Héraði en er orðið,
þó að meira megi. Þó er rétt að geta þess, að Sveinn sterki,
Bjarnason, Sveinssonar, Sigfússonar prests í Hofteigi, býr á þess-
um tíma á Gíslastöðum á Völlum, en það er næstnæsti bær við
Eyjólfsstaði. Það er því efamál, að annar maður úr fjarlægri
sveit hefði getað komið í Hérað, sem átti þar stærri frændagarð
en Valtýr í Garði, þótt ekkert af þessu fólki væri mikils megnugt
í auði og völdum. Og á þessum tíma og jafnvel öllum tímum
beinast ferðir manna þangað, sem fyrir eru frændur og vinir,
og af þessum frændagarði geti það orðið að líkum, að hann se
á ferð uppi á Völlum til Skriðdals. Samkvæmt kirkjubók Sval-
barðssóknar, sem einhver hulin hönd virðist hafa haldið hlífi'
skildi yfir fram yfir flestar sams konar bækur frá þessum tíma,