Eimreiðin - 01.10.1953, Síða 44

33 ÍW £MM£ M%J$~
i
ÍGrein þessi var upphaflega rituS fyrir forlag eitt, sem hugSist gefa
út bók um íslenzkar ömmur. En greinin varS síSbúin og ekki til fyrir
hinn tilsetta tíma. Þess vegna birtist hún hér.]
Ég man aðeins föðurmóður mína. Móðurmóðir mín var
dáin löngu fyrir mitt minni. Endurminningin um ömmu mína,
Þórdísi Pálsdóttur, er skýr og máist aldrei. En móðir mín
sagði mér af móður sinni, sem hún missti í æsku og tregaði
alla ævi síðan. Hún unni henni heitt, og minningin um hana
var móður minni heilög og dýrmæt. Hún minntist hennar
sem ljóssengils í heimi drauma sinna, og talaði ekki um hana
nema í einrúmi við okkur börnin.
Þórdís Pálsdóttir, amma mín, var fædd 5. ágúst 1840 í
Höfn í Borgarfirði eystra, dóttir Páls Jónssonar (f. 1808),
bónda þar, og konu hans, önnu Kristinar Ólafsdóttur (f-
1814). Jón ögmundsson, faðir Páls í Höfn, var bóndi á Hóla-
landi í Borgarfirði (f. í Breiðuvík 1775), „bezti smiður“,
segir Einar Jónsson i Ættum Austfirðinga. Kona hans var
Þórdís Árnadóttir. ögmundur, faðir Jóns, bjó í Breiðuvik
í Borgarfirði og átti 17 börn. Móðir Jóns á Hólalandi var
síðari kona ögmundar, Guðfinna Einarsdóttir frá Úlfsstöðum
i Loðmundarfirði. Faðir ögmundar í Breiðuvík var Oddui'
Guðmundsson, bóndi í Nesi i Loðmundarfirði (f. 1688). Kona
hans var Þuríður Jónsdóttir frá Brimnesi, Ketilssonar (f-
1696). Guðmundur, faðir Odds í Nesi, var sonur Odds bónda
í Húsavík eystra, en kona Guðmundar, móðir Odds í Nesi, var
Þuríður Árnadóttir, prests Jónssonar, að Hofi á Skagaströnd.
Þuríður var fædd um 1660. Árni prestur Jónnsson, síðast að
Hofi á Skagaströnd, var ákærður fyrir galdra og flúði til Eng-