Eimreiðin - 01.05.1968, Page 31

KVEÐJA TIL SIGLUFJARÐAR
103
Nú er líf um áttir allar.
önn til nýrra dáða kallar.
Opin leið til lands og sjávar
liggur héðan frá — og að.
Siglufjörður sínu bezta
senn mun tjalda — og fjöldi gesta
fer með þys um þennan stað.
Dumbs- á móti horfir hafi.
Hlíðar rísa á báðar síður.
Sviphreinn undir sjali fanna.
Sumardaginn tignarfríður.
Reginfjöll, með hjarn á herðum
hefir að baki Siglufjörður,
kaupstaðsheiti hefir borið
hálfa öld, sem landsins vörður.
Út við kalda íshafs-frera,
allra nyrstur sinna líka.
Það er víst að þegnskap margra
þarf, að reisa bæi slíka.
Ótal hafa örðugleikar
eflt og kynbætt stofninn trausta
Ránar milli og reginfjalla
raunin elur drengi hrausta.
Þótt þeir hefðu heims af gæðum
heldur misjafnt eftirlæti,
þeirra beztu manna milli
margur yrði smár í sæti.
Veginn marka ferðaförin.
Frjáls í anda verður sonur
þar sem heilum hugum vaka
heiðursmenn og sæmdarkonur.