Tímarit lögfræðinga - 01.01.1960, Qupperneq 35

vöilur uppboös sé veðréttur, er stofnaður var með lög-
gerningi af þeim, er ekki hafði eða hefur þinglýsta heim-
ild, eða eins var ástatt um þann, sem aðför var gerð hjá.
Varhugavert þótti, að láta heimildarskort hjá gerðarþola
standa fj'rir þinglýsingu, þar sem önnur regla getur oft
og einatt verið óskilvisum mönnum til framdráttar og
leitt til óhæfilegs tjóns fyrir skuldheimtumenn. Um af-
sal (útlagningu) á uppboði er þess að gæta, að uppboð
er auglýst með eigi ótryggilegri liætti en títt er t. d. um
stefnur í eignardómsmálum, og vinnst því rétthöfum i
eign nægilegt tilefni til að koma að mótmælum við upp-
boðsráðanda, ef þvi er að skipta.
Um skiptaafsai segir svo í 3. málsgr., að því verði
ekki þinglýst, nema eignarheimild sé í lagi, en þó ei-
undantekning gerð, ef afsal stafar frá nauðungaruppboði.
í sambandi við 24. gr. frv. ber að gæta ákvæðanna í
52. gr. 3. málsgr. um lóðarréttindalausar eignir, svo og
ákvæðis 51. gr., er gerir fasteignaeigendum tiltölulega
hægt fyrir um að afla sér formlegrar eignarheimildar, ef
lögfest verður.
1 25. gr. frv. eru greind þau tilvik, er skapað geta eign-
arheimild m. a. við skipti og við uppboð, og getið um
gögn, sem við þarf til þess að menn öðlist formlega þing-
lýsta heimiid, en í 26. gr. eru nokkrar skýringarreglur
í sambandi við heimildir að eignum.
Svo sem reifað hefur verið, gætir mjög nýmæla í 24.
—26. gr., en ekki eru tök á að ræða þau nánar, og vísast
til greinargerðar, þar sem ákvæði þessi eru rædd all-
rækilega.
3. Leiðrétting á röngum fœrslum o. fl.
í 27. og 28. gr. frv. eru ákvæði um leiðréttingu á röng-
um færslum i þinglýsingarbók og um þinglýsingu til
bráðabirgða á réttindum, sem dómsmál stendur um. Er
þar um nýmæli að ræða, sem horfa til aukinnar réttar-
verndar.
Tímarit lögfræðinga
33