Tímarit lögfræðinga - 01.01.1960, Page 43

eignareglur gilda um þær. Með tilliti til verðmætis
þessara eigna og þess, að þær eru skrásettar, þótti rétt að
mæla svo fyrir, að eignarliöft í slíku skipi og bifreið séu
háð þinglýsingu, sbr. 3. málsgr. 43. gr. Um afhendingar-
frest á veðbréfum til þinglýsingar gilda þó lausafjárregl-
ur, sbr. 43. gr. 4. málsgr. og samkv. 44. gr. frv. er gert
ráð fvrir, að sérregla gildi um tímabundið gildi þinglýs-
ingar á veðbréfum i þessum eignum. Um eignarbeimildir
þótti of brotamikið að beita fasteignareglum, og er heim-
ildin einnig að þvi er til þinglýsingar tekur miðuð við skrá-
setninguna. Ef útgefandi skjals er ekki greindur eigandi
i þessum skrám, bér því að visa skjalinu frá, nema til sé
að dreifa samþykki frá slíkum aðilja. Ákvæði þessi eru um
margt nýmæli og vísast nánar um rökstuðning til greinar-
gerðar.
G. Þing-lýsingar um lausafé almennt.
VII. kafla frv. fjallar um þinglýsingar varðandi lausa-
fé almennt, þ. á m. skip, sem ekki eru skráningarskyld,
svo og skip og bifreiðar, sem ekki hafa verið skrásett. Er
þar um fá nýmæli að véla. í 2. málsgr. 47. gr. er þó nýll
ákvæði um þinglýsingu, sem varðar eignir skrásetts firma
eða félags svo og annarra félaga, og enn um þinglýsingu,
sem varðar sérstaka sameign. Þá er lagt til, að nokkuð sé
breytt ákvæðum um fresti til að þinglýsa veðbréfum i
lausafé frá því, sem greinir í 7. gr. veðlaga og 1. gr. laga
65/1957.
H. Bótaákvæði.
I VIII. kafla frv. eru ákvæði um bótarétt manna, sem
bljóta tjón af mistökum þinglýsingardómara, á hendur
rikissjóði. Eru þessi ákvæði meðal mikilvægustu nýmæla
fr%'. Um þessi efni eru ekki sérákvæði í settum lögum, en
allt að einu má telja líklegt, að ríkissjóður verði eftir gild-
andi rétti talinn bera fébótaábyrgð á þinglýsingarstarfs-
mönnum — bæði með tilliti til þess, hve íslenzkir dóm-
Tímarit lögfrœöinga
41