Tímarit lögfræðinga - 01.01.1960, Page 68

úr steinsteypu. 1 húsinu er afgreiðsla eða varðstofa, all-
stórt herbergi, mjög lítið herbergi þar inn af, eitt and-
dyri og þrír fangaklefar auk W.C., baði og hitunarklefa,
sbr. uppdrátt af grunni hússins, sem fylgir hér með. Húsí
þessu mun á sínum tíma hafa verið komið upp í skyndi og
af vanefnum, enda miðað við brýnustu þörf, er þá var, og
var þá svo komið, að lögreglan hafði ekkert fast aðsetur.
Þegar varðstofan var byggð munu íbúar hér hafa verið
um fimm þúsund, en nú eru þeir nálega níu þúsund, lög-
reglumenn voru þá fjórir, en eru nú 10 með vakt allan
sólarhringinn, tala vélknúinna ökutækja í umdæminu hef-
ir margfaldast og umferð utanhéraðsmanna hefir senni-
lega aukizt ennþá meira. Allt þetta og margt fleira, sem
þróazt hefir í þjóðfélaginu síðustu tvo áratugina, hefir
aukið verksvið lögreglunnar hér mjög mikið sem víðast
annars staðar á landinu. Raunin er því sú, að lögreglustöð-
in er nú orðin algerlega ófullnægjandi fyrir starfsemi lög-
reglunnar, bæði sem vinnu- og vaktstaður lögreglumanna
og fangageymsla. Eins og uppdráttur sýnir er aðeins eitt
herbergi í húsinu, sem því nafni getur nefnzt, sem notað
er sem varðstofa og aðsetur lögregluþjóna, þegar þeir eru
ekki úti. Hið litla herbergi inn af varðstofunni hefir verið
notað sem geymsla f37rir ýmsa muni, fyrir talstöð, og þar
hefir verið eina afdrepið fyrir yfirlögregluþjóninn og aðra
til taka skýrslur og starfa að öðru leyti að rannsókn mála
o. þ. u. 1. Vistarvera lögreglumanna er að sama ganginum
og fangaklefarnir og veldur það því, að ef einhver ókyrrð
eða hávaði er í klefunum, sem oft vill verða frá ölóðum
mönnum, heyrist það um allt húsið og truflar allt stai'f
þar. Klefarnir hafa aðallega verið notaðir til að einangra
ölóða menn og gæzlufanga, en.mjög lítið verið notaðir til
að láta menn afplána dóma; þó hefir komið fyrir, að menn
afplánuðu þar 10 daga varðhald, en það mun ekki hafa
verið síðasta áratuginn. Að sjálfsögðu eru þrír klefar alls-
kostar ófullnægjandi og sama er að segja um hinn hluta
hússins, að þrengsli eru svo mikil að starfi lögreglumanna
00
Timnrit löcjfrœttinpa