Tímarit lögfræðinga - 01.01.1960, Side 72

snyrtiherbergi. 1 kjallara hússins eru, auk fangaklefanna,
eldhús, borðstofa, búr, lítill frystiklefi, vinnufatageymsla
fanga, en í henni eru 22 fataskápar með læsingum. Þá er
í kjallara miðstöðvarkerfi hússins, en húsið er olíukynt
nema „sellurnar“, þar er svonefnd geislahitun. 1 viðbygg-
ingu við kjallara eru 4 einangrunarklefar með steyptum
rúmum, borði og sæti. Stærð einangrunarklefanna er
225x184 cm. Fyrir öllum klefum í húsinu eru járnhurðir.
Á neðri hæð eru skrár fyrir hurðum, en á efri hæð og kjall-
ara eru draglokur, læstar með hengilásum. Auk áður
greindra hluta í fangaklefum eru tvö Ijósastæði, 1 í lofti
og annað á vegg, bjalla frá varðstofu og hátalari.
Gangur er eftir endilöngu á efi'i og neðri hæð hússins,
mynda þeir nokkurs konar „hol“ fremst við stigana, en
þrengjast innar og eru að breidd 163 cm. Engin sundur-
stíun eða hindrun er á milli hæða hússins eða kjallara og
geta því fangar verið á öllum göngum jafnt, þegar þeir
eru ekki lokaðir inni í klefum sínum. Þó hafa fangar eng-
an aðgang að rishæð hússins, sem lokuð er allan sólar-
hringinn.
Allmjög hefir borið á því, að óviðkomandi fólk hafi
reynt að hafa samband við fanga hér. Veldur þar mestu
um, að hælið er fast við þjóðveginn, svo að vegfarendur
geta auðveldlega kallast á við fangana. Einnig hitt, að
girðing sú, sem er umhverfis hælið, er hvergi nærri nógu
vel úr garði gerð til að útiloka óvelkonmar heimsóknir.
Mjög er það algengt, að menn, sem áður hafa verið hér
fangar, sækja á að heimsækja fanga hér og þá nær alltaf
í því ástandi, sem ekki samrýmist reglum hælisins. Þessir
menn þekkja nákvæmlega alla staðhætti hér og geta því
stundum í skjóli myrkurs og lélegrar girðingar komizt
heim að hælinu án vitundar gæzlunnar. Um helgar á sumr-
in renna hér hundruð bíla framhjá hælinu. Án efa skap-
ar það óróleika hjá föngum, enda má segja, að helgar og
aðrir almennir frídagar séu föngum erfiðastir hér, er því
70
Tímarit lögfræöinga