Tímarit lögfræðinga - 01.06.1963, Side 39

Guðmundur Bjarnason bar það og sór, að hann hefði
fundið galdraspjald að Lokinhömrum næstan dag eftir
burtför Ara þaðan. 1 sama eið er einnig inntekið um
veikleika Guðmundar og hvatskeytslegan peningamissi
með undarlegum tilburðum.
Svarin frásaga Borgars Sigurðssonar um óhreinan anda
í hundslíki, sem hann segir við sig talað hafi og sagzt
vera sendur af Ara Pálssyni.
Aburður Sigurðar Bjarnasonar um síns barns veikleika
ósvarinn og ekki gildur af héraðsmönnum meðtekinn.
Þann 29. april 1679 var haldið þriggja hreppa þing26) að
Fífustöðum í Barðastrandasýslu og dómur nefndur um
mál Ara Pálssonar. Fyrir þann dóm kom það, sem fram
hafði farið að Hrafnseyri 5. febrúar og rakið var hér
að framan, en því var hins vegar skotið til Alþingis, hversu
hár eiður Ara skyldi gerður fyrir nefndan áburð, en ekki
verður sagt að ljóst sé, hverju lögrétta hafi svarað.
I nóvember þetta sama ár bar Indriði Narfason og kona
hans Þuríður Jónsdóttir Ara Pálsson því, að hann með
göldrum væri valdur að veikleika hennar.
Var nú næst þingað í málinu 2. júni 1680 að Hrafnseyri.
Var það sýslumaðurinn Páll Torfason með sex mönnum,
sem þingið hélt og komu nú 4 eða 5 konur sem skýrðu
frá því, hvernig Þorkatla hafði veik orðið. Eitt vitnið
Sesselja Bjarnadóttir getur þess sérstaklega, „að hún hyggi
það kránkdæmi ekki hafa verið venjulegt eður náttúrlegt“,
en þeir nefndarmenn bæta við í skýrslu sinni „(á hverri
hennar hyggju okkur sýnist ekkert ríða, því einni almúga
konu var ekki ætlandi neitt hér um skynsamlegt að
dæma)“. Framburðinn telja þeir í heild ekkert sanna um
galdraiðkun Ara Pálssonar.
Að dómi þeirra nefndarmanna er átt við framburði þess-
ara kvenna, þegar í Alþingisdóminum stendur, að til styrk-
26) Sjá Ólafur Lárusson, Lög og saga, bls. 249, sbr. Af-
mælisrit Einars Arnórssonar bls. 141.
Timarit lögfræðinga
85