Tímarit lögfræðinga - 01.06.1963, Side 36

Dómur yfirréttar féll 21. júlí 171021) og var niðurstaða
hans sú, að Sigurði lögmanni skyldi heimilað að vinna
að því eið, að hann hefði ekki gert neinn samning við
Jón Hreggviðsson þess efnis, að Jón skyldi láta hjá líða
að birta hæstaréttarstefnuna, en lögmaður skyldi þar á
móti ekki láta fullnægja þeim dauðadómi, sem hann hefði
kveðið upp yfir Jóni. Auk þess skyldi lögmaður vinna eið
að því, að liann væri ekki valdur að hinum fölsuðu upp-
skriftum af griðabréfi Jóns. Ef Sigurður ynni eið þennan
skvldi dómur þeirra Árna og Páls ekki verða honum til
áfellis „i nokkrum máta uppá æru, embætti eða gótz“.
Jón Hreggviðsson var liins vegar dæmdur til Brimar-
hólmsvistar, en hálf búslóð hans fallin undir konung. Seg-
ir í dóminum, að hann sé alþekktur að langsamlegri illri
og óráðvandlegri kynningu, þar hann skuldaður fyrir
morð hafi ekki lifað eftir þeim tveimur kónglegrar maje-
statis verndarbréfum . . . svo og eklci auglýst hæstaréttar-
stefnuna og að auki héðan af þinginu vikið og eigi viljað
bíða til síns máls að svara.22)
En með bréfi 9. september 1710 (Embedsskrivelser Nr.
124, sbr. einnig Nr. 127) kvörtuðu þeir Arni og Páll yfir
meðferð málsins fyrir yfirrétti og kröfðust þess, að því
yrði vísað til Hæstaréttar. Var svo gert en dómur Hæsta-
réttar féll 9. maí 1713 og var lesinn i lögréttu 22. júlí sama
ár.23)
Var niðurstaða hæstaréttar sú, að dómi þeirra Árna og
Páls var hrundið og Sigurður Björnsson sýknaður. Hinar
ástæðulausu og ósannanlegu kærur og ásakanir, svo og
hinn harði og órökstuddi dómur þeirra ætti ekki að verða
æru hans og virðingu á neinn hátt til tjóns og honum ekki
að neinu leyti til útláta. Þeim var gert að greiða Sigurði
300 rd. í málskostnað.
21) Alþb. ísl. IX., bls. 598—99.
22) Alþb. ísl. IX., bls. 598—99.
23) Embedsskrivelser, bls. 500. Atkvæði hæstaréttardóm-
aranna í málinu eru prentuð í Embedsskrivelser bls. 602 og áfr.
82
Tímarit lögfræðinga