Tímarit lögfræðinga - 01.06.1963, Side 43

gift Jóni Jónssyni, en hafði þá verið vinnukona Ara. Segir
og í gögnum málsins, að Þuríður hafi stórt áhlaup fengið
á þingi þessu, þegar Ari kom nærri og víðar er getið um
slílc áhlaup hennar.
Gegn þessum framburði Indriða og Þuríðar lagði Ari,
sem nú var í böndum, fram vitnisburð 13 manna, er bjuggu
í sömu sókn og þau Indriði og Þuríður. Báru þessi 13 vitni
það, að þau viti ekki nokkur rök, líkindi eður ástæður í
hverra trausti Þuriður Jónsdóttir kunni aðhera Ara galdra
áburði um orsök síns veikleika. Þeir vitna og um það, að
Þuríður hafi áður veik verið í þess háttar veikleika.
Um þennan 13 manna vitnisburð segir í Alþingisdómin-
um, að hann fremur styrki en veiki framburð Indriða.29)
Ber það væntanlega svo að skilja, að hann sýni, að Ari
hafi stundað galdur lengi. Lýsa þeir Árni og Páll gagn-
stæðri skoðun sinni og segja, að dómendur hafi skilið
framburðinn öðru vísi en til var ætlazt. Sýnist skilningur
þeirra nefndarmanna á allan hátt eðlilegri og sá skilningur,
sem dómendur hafa, virðist engan veginn laus við hár-
togun.
Var Þuríði siðan heimilað að staðfesta með eiði, að Ari
Pálsson sé að hennar hyggju valdur að hennar veikleika
með göldrum.
Loks kemur maður að nafni Bjami Guðmundsson fyrir
dóm og ber um ónáttúrlegan hita á sér, myrkur fyrii aug-
um og dauða eins hunds, item um dauða bróðurbarns
síns og sinn eiginn veikleika. Segist Bjarni hyggja Ara
hér að valdan og býðst þann sinn grun með eiði að stað-
festa. Framburður Bjama er tekinn gildur vegna góðrar
kynningar hans, enda voru og nægilegir svardagar fram
komnir gegn Ara.
Málin stóðu nú þannig eftir öll þessi þinghöld, að Ara
hafði ekki tekizt að hreinsa sig með tylftareiði þeim, sem
29) Alþb. ísl. VII., bls. 526. Þar stendur að vitnin séu 15,
en í skýrslu Áma og Páls eru þau talin 13.
Tímarit lögfræðinga
89