Tímarit lögfræðinga - 01.06.1963, Side 32

manna um margvíslega vonda og illmannlega kynning
hér nefnds Jóns Hreggviðssonar. Var það því samþykkileg
ályktun og dómur lögmanna- og lögréttunnar, að Jón
Hreggviðsson væri sannprófaður banamaður og morðingi
Sigurðar heitins Snorrasonar, eins og áður segir.16)
Jón hafði hins vegar komizt til útlanda og náð til Dan-
merkur eftir mikla hrakninga. Fékk hann vemdarbréf
konungs til að fara til Islands í því skyni að reka mál sitt
og að auki leyfi til að áfrýja málinu til Hæstaréttar.
Til Islands kom Jón árið 1686 og fór þegar á fund Sig-
urðar lögmanns. Segir Jón frá fundi þeirra i bréfi til Árna
Magnússonar frá árinu 1710 (Private Brevveksling Nr.
294) þannig, að hann hafi sýnt lögmanninum afrit vernd-
arbréfanna og beiðzt leyfis til að láta birta frumritin í lög-
réttu. Hefði Sigurður ekki lýst sig því mótfallinn. Á Alþingi
æskti Jón síðar birtingar bréfanna að þeirrar tíðar hætti,
þ. e. með því að þau yrðu lesin í lögréttu og gerði land-
fógeti það. Segist Jón í bréfi þessu hafa ætlað að láta lesa
hæstaréttarstefnuna á eftir, en af því ekki orðið. Land-
fógeti hefði sagt við sig að loknum lestri hréfanna, að
„honum hefði verið sýnd mikil náð og skyldi hann nú
ekki troða illsakir eða áreita neinn hvorki í orði eða verki.
Hafi birting stefnunnar farizt fyrir, og hann ekki þorað
að kunngera hana frekar“.
I Alþingisbók17) segir, að landfógeti hafi lesið tvö bréf,
sem áhrærðu Jón Hreggviðsson, þar sem honum sé gefin
„fríun- og frelsi til Islands aftur að reisa, með því skilyrði,
að svo framt sem hann girnist framvegis sínu máli undir
rétt að halda, þá skuli hann sjálfur í eigin persónu fyrir
þeim dómi til staðar vera og það skyldugur að hafa og
útstanda, sem honum verði með lögum og rétti á hendur
sagt. Lofaði nú hérnefndur Jón opinberlega í lögréttu
landfógetanum og lögmanninum Sigurði Björnssyni, að
16) Alþb. fsl. VIII., bls. 34—35.
17) Alþb. ísl. VIII., bls. 141—142.
78
Tímarit lögfræðinga