Tímarit lögfræðinga - 01.06.1963, Side 9

sektir, sem notaðar eru til að knýja fram tilteknar aðgerð-
ir, sbr. 193. gr. einkamálalaganna nr. 85 frá 1936. Laga-
reglan hjá Norðurlandaþjóðum þessum er í þvi fólgin, að
sektin er fyrst eftir venjulegum álagningarreglum og án
tillits til efnahags ákveðin í tilteknum fjölda eininga, sem
nefndar eru dagsektir. Siðan er fjárhæð hverrar einingar
ákveðin eftir efnahag sökunauts. Elf t. d. A og B eru sannir
að því að hafa staðið saman að sama hroti, og sök þeirra
metin jöfn, er þeim hvorum um sig dæmd t. d. 10 dagsekta
refsing. Vegna mismunandi efnahags er svo fjárhæð hverr-
ar dagsektar hjá A ákveðin 20 krónur, en hjá B 30 krónur.
Finnar lögleiddu dagsektakerfið fyrstir Norðurlanda-
þjóða árið 1921, og hjá þeim nær það til allra sekta, bæði
samkvæmt almennum hegningarlögum og utan þeirra.
Sviar lögleiddu hjá sér dagsektir árið 1931, án þess að af-
nema þó beinar peningasektir að öllu leyti. Skal ákveða
sekt beint i peningum bæði samkvæmt nokkrum tilteknum
greinum í almennum hegningarlögum þeirra og einnig í
jæim tilvikum utan hinna almennu hegningarlaga, þar
sem sekt fer ekki fram úr 300 krónum. Loks lögleiddu
Danir dagsektir árið 1939. Hjá þeim er reglan sú, að sektir
samkvæmt almennu hegningarlögunum skal yfirleitt á-
kveða í dagsektum, en allar sektir utan alm. hegningar-
laganna skal tiltaka beint í peningum.
Um fleira, sem dagsektir varðar, er ósamræmi í löggjöf
framangreindra rikja. 1 Finnlandi skal tala dagsektanna
vera lægst 1 og hæst 300, en ekkert fastákveðið i lögum
um fjárhæð hveiæar dagsektar, þ. e. hvorki lágmark né
hámark. 1 Danmörku skal tala dagsektanna vera lægst 1
og hæst 60. Ekki skal fjárhæð dagsektar vera undir 2 krón-
um, en hámark óákveðið. Loks skal 1 Svíþjóð tala dagsekt-
anna vera lægst 1 og hæst 120, en fjárhæð hverrar dag-
sektar lægst 1 króna og hæst 300 krónur.
Svo sem nafnið bendir til, lá upphaflega til grundvallar
dagselctunum, að fjárhæð hverrar dagsektar svaraði með
einhverjum hætti til dagtekna sölcunauts. 1 dönsku lögunt-
Tímarit lögfræðinga
55