Tímarit lögfræðinga - 01.05.2001, Síða 61

misseri. Áður hafa greinar í Tímariti lögfræðinga verið flokkaðar og settar á
netið þannig að unnt sé að leita eftir greinum sem birst hafa í tímaritinu eftir
efnisflokkum.
3. Fræðafundir og málþing
Starfsemi lögfræðingafélagsins hefur á árinu verið með hefðbundnu sniði.
Þannig hefur félagið haldið fræðafundi að jafnaði einu sinni í mánuði yfir vetr-
artímann, auk þess sem árlegt málþing félagsins var haldið þann 6. október sl.
Fræðafundir hafa ýmist verið haldnir sem morgunverðarfundir, hádegisfundir
eða kvöldfundir og málþing félagsins hafa nú undanfarin tvö ár verið haldin frá
hádegi á föstudögum en ekki heilan laugardag eins og tíðkaðist áður. Málþing-
in hafa verið afar vel sótt undanfarin ár þannig að félagsmönnum virðist líka sú
breyting vel.
Þann 16. október 1999, þegar að loknum aðalfundi, var haldinn fyrsti fræða-
fundur á starfsárinu. Gestur fundarins var Sólveig Pétursdóttir, dóms- og kirkju-
málaráðherra, og gerði hún grein fyrir störfum sínum og stefnumálum og laga-
frumvörpum sem verið var að vinna að í dóms- og kirkjumálaráðuneyti. Á
fundinn mættu um 25 manns.
Þann 24. nóvember 1999 kl. 20.30 var haldinn á Hótel Sögu fundur um lög-
mannalögin og ágreining milli félagsmanna í kjölfar gildistöku nýrra lög-
mannalaga. Frummælandi var Vala Valtýsdóttir héraðsdómslögmaður. Miklar
umræður spunnust á fundinum, margir fundarmanna létu álit sitt í Ijós og sitt
sýndist hverjum. Fundarmenn voru unr 35 talsins.
Árlegur sameiginlegur jólahádegisverðarfundur lögfræðingafélagsins, lög-
mannafélagsins og dómarafélagsins var haldinn á Hótel Loftleiðum þann 9.
desember 1999. Gestur fundarins var Einar Benediktsson sendiherra og flutti
hann ávarp þar sem víða var komið við. Fundargestir voru 106 að tölu.
Þann 27. janúar 2000 var haldinn morgunverðarfundur á Hótel Sögu. Fyrir-
lesari á fundinum var Ámi Harðarson héraðsdómslögmaður og fjallaði hann um
svonefnda val- eða kaupréttarsamninga sem hafa á síðustu misserum mtt sér til
rúms hér á landi. M.a. var fjallað um skattlagningu slíkra samninga annars veg-
ar hér á landi og hins vegar á öðrunr Norðurlöndum, í Bandaríkjunum og á Bret-
landi. Fundarmenn voru 62 talsins.
Þann 9. mars 2000 kl. 20.30 var haldinn á Hótel Loftleiðum fundur undir
yfirskriftinni „Stjómun fiskveiða og stjórnarskrá Islands“. Frummælendur voru
Sigurður Líndal prófessor og Karl Axelsson hæstaréttarlögmaður. Fundarmenn
voru 45 að tölu.
129