Ægir - 01.06.1997, Blaðsíða 37

iöulega allt komið í belg og biðu þegar
fiskurinn kemur í hús. Þessi fylgir að
ómögulegt verður að finna athuga-
semdum réttan farveg ef einhverjar
eru. Með einfaldri skráningu á kara-
númerum og bátsnöfnum væri þessu
vandamáli útrýmt," sagði Hjörtur en
benti jafnframt á að sínu mati væru
nokkrir markaðir með þessi mál í lagi.
Hjörtur gagnrýndi fiskmarkaðina
fyrir að veita kaupendum ófullnægj-
andi upplýsingar um hvaða hráefni
væri í boði og sagði að þær upplýsing-
ar sem væru þó gefnar væru óaðgengi-
legar fyrir nýja kaupendur. Þar talaði
hann á svipuðum nótum og nafni
hans, Hjörtur Grétarson hjá Granda
hf.
Friðrik Blomsterberg, deildarstjóri
Skoðunarstofu íslenskra sjávarafurða,
sagði að það hefði gleymst í umræð-
unni að stór hluti þess sem kaupendur
erlendis væru að kaupa frá Islandi væri
rekjanleiki íslensks fisks.
„Þeir segjast geta keypt betra hrá-
efni frá Noregi en þar sem Norömenn
geta ekki haldið utan um þá vöru sem
þeir eru að selja er frekar keypt frá ís-
landi. Framleiðandinn þarf að í hvaða
vinnslu hann á að vinna hráefni. Þá
þarf t.d. að vera ljóst hvenær fiskurinn
var veiddur og hvernig hann hefur
verið geymdur," sagði Friðrik og bætti
Ámi Ólason, framkvcemdastjóri fisk-
vitmslu KEA í Hrísey, les fiskmarkaðs-
tnönttutn pistilinn.
því við að hingað til hefði gengið best
að rekja hráefni þar sem vinnsla og út-
gerð eru á sömu hendi.
Fiskmarkaðir bera ábyrgð
Árni Ólason, framkvæmdastjóri fisk-
vinnslu KEA í Hrísey, gerði ábyrgð
fiskmarkaðanna að umtalsefni, en
hann hefur verið skorinorður í gagn-
rýni sinni á þá og m.a. lýst fiskmörk-
uðum sem gamaldags bílasölum. Árni
telur að fiskmarkaðsmenn eigi að bera
fulla ábyrgð á viðskiptunum gagnvart
kaupendum, en ekki sjómenn og út-
gerðarmenn. Þar var hann á öndverð-
um meiði við Hjört Eiríksson sem lýsti
þeirri skoðun að fiskmarkaðir væru í
eðli sínu umboðsaðilar sem geta ekki
nema að takmörkuðu leyti haft áhrif á
gæði þeirra afurða sem þeir selja.
Árni lýsti óánægju sinni með við-
skipti síns fyrirtækis við fiskmarkaði
og sagði það koma of oft fyrir að því
bærist minna af fiski frá fiskmörkuð-
um en upphaflega hefði verið pantað.
Hann sagði slík atvik afar óheppileg í
ljósi þeirra erfiðleika sem landvinnsl-
an hefði átt í að undanförnu enda
væri hráefniskostnaður helmingur
rekstrarkostnaður frystihúsa.
Margeir Gissurarson, deildarstjóri
gæðamála SH, lagði m.a. áherslu á að
athuga flutninga á hráefni til og frá
mörkuðum. „Það er ljóst að fiskmark-
aðir geta ekki bætt gæði fisksins. Það
þarf því að skoða betur flutningsmáta
frá því að fiskur er veiddur og þangað
til hann kemur inn til vinnslu," sagði
hann.
Halda ber umræðuni áfram
Egill Jón Kristjánsson framkvæmda-
stjóri Fiskmarkaðs Hornafjarðar taldi
óþarft að setja lög um að allur fiskur
fari á markað. „Fiskkaupendur og fisk-
seljendur eiga að koma inn á fiskmark-
aðina af því að þeim líki vel sú þjón-
usta sem þar er í boði," sagði Egill.
í lok málþingsins komu þeir Páll
Benediktsson fréttamaður, sem stjórn-
aði umræðunum, og Ólafur Þór Jó-
hannsson, formaður SUM, inn á áhrif
reglugerða Evrópusambandsins og
sögðu báðir að íslendingar stæðu mun
framar í að framfylgja reglugerðum
þess um matvælaframleiðslu en þjóðir
meginlands Evrópu.
Ólafur sagði í lokaorðum sínum að
nú væri rétti tíminn fyrir þá sem
kæmu að fiskmarkaðsmálum til að
halda áfram þeim gagnlegu umræðum
sem hefðu farið fram á málþinginu.
„Ennfremur er rétt að sest verði niður
og rædd þau víðtæku áhrif sem reglu-
gerðir Evrópusambandsins hafa á alla
aðila í íslenskum sjávarútveg," sagði
Ólafur Þór að lokum.
Pétur Pálsson, Friðrik Blomsterberg og Margeir Gissurarson voru fulltrúar stóru
sölusamtakanna ípallborðsumrtxðutn.
ÆGIR 37