Ægir - 01.06.1997, Blaðsíða 40

Bjartara yfir Hofsósi
saltfiskvinnsla hafin á ný hjá Höfða ehf.
Eftir þungan vetur í atvinnulegu til-
liti á Hofsósi hefur birt yfir á ný en í
byrjun maí hófst saltfiskvinnsla á
ný á staönum eftir aft hafa legiö
niðri frá því í haust. í október sagði
Fiskiöjan Skagfirðingur 'upp öllu
starfsfólki í saltfiskvinnslunni á
staðnum og var söltun síðan hætt.
Að hlutafélagi um rekstur saltfisk-
vinnslunnar, Höfða ehf., standa Hofs-
hreppur, ís-salt í Vogum og Fiskiöjan
Skagfirðingur.
„Það er óhætt að segja að þetta lyfti
brúninni á fólkinu hér til hins betra, „
segir Árni Egilsson, sveitarstjóri á
Hofsósi, í samtali við Ægi. „Vonandi
skilar þetta góðum tekjum þegar fram
líða stundir en fyrirtækið er að byggj-
ast upp hægt og rólega. Fiskiðjan Skag-
firðingur sagði upp öllu fólki í október
síðastliðnum og hér voru komnir um
40 manns á atvinnuleysisskrá í mars.
Þetta erfiða ástand kom því við flestar
fjölskyldur á staðnum og í sveitinni.
Menn fóru því vandlega yfir hvemig
hægt væri að leysa þetta vandamál
með áframhaldandi fiskvinnslu á
staðnum og niðurstaðan var sú að
mynda hlutafélag um rekstur fiskverk-
unar," segir Árni.
Um er að ræða söltun og þurrkun á
fiski, ásamt með pökkun en fyrst og
fremst er verkað fyrir markað í Suður-
Ameríku.
„Sölumarkaðurinn er traustur fyrir
afurðirnar og til þess horfðum við
mjög þegar við vorum að leggja gmnn
að fyrirtækinu. Ástæðan fyrir því að
við horfðum til atvinnutækifæra við
fiskvinnslu var einfaldlega sú að hún
er sú atvinnugrein sem skapar hraðast
atvinnu og því til viðbótar er ósköp
einfalt að fiskvinnslan gefur betri
laun," sagði Árni.
Hráefni til vinnslunnar verður feng-
ið af fiskmörkuðum og af togurum
Fiskiðjunnar Skagfirðings. Árni segist
vonast til að hjá Höfða ehf. verði um
20 stöðugildi sem nálgast þann fjölda
sem áður var hjá Fiskiðjunni Skagfirð-
ingi.
40 ÆGIR