Búnaðarrit - 01.01.1928, Page 346
340
BÚNAÐARRIT
29. gr.
Nú vill leiguliði á þjóðjörð eða kirkjujörð vinna af sjer lands-
skuld og leigur, eins og segir í 27. gr., að nokkru eða öllu leyti,
og skal hann þá skýra umráðamanni jarðarinnar frá, hverjar
jarðabætur hann ætli sjer að vinna, en umráðamaðurinn leitar
síðan álits Rúnaðarfjelags íslands um fyrirætlanir þessar. Ef
Búnaðarfjelag íslands telur ekkert við það að athuga, skýrir það1
leiguliða og umráðamanni jarðarinnar frá því, en ella að eins
leiguliða, og tilgreinir ástæður. Engin jarðabót er gild borgun
upp í landsskuld og leigur, nema fullgerð sje og vel af hendi
leyst, að áliti Búnaðarfjelags íslands, í gjalddaga þeirrar lands-
skuldar eða leigna, er greiða á með henni.
30. gr.
Atvinnumálaráðuneytið setur umráðamönnum þjóð-
jarða og kirkjujarða nánari reglur um þau atriði, sem
um er rætt í 25.—29. gr.
VI. kafli.
Um erfðafestulönd.
31. gr.
Bæjarstjórnir í kaupstöðum landsins, að Reykjavík
undanskilinni, og hreppsnefndir í kauptúnum skulu, áður
en eitt ár er liðið, frá því lög þessi öðlast gildi, senda
Búnaðarfjelagi Islands skýrslu um land það, sem að áliti
þeirra liggur best við til ræktunar innan takmarka
kaupstaðarins eða kauptúnsins, en þó eigi, ef líkur eru
til, að á því þurfi að haida til húsalóða í fyrirsjáanlegri
framtíð. Þegar þjóðjörð eða kirkjujörð liggur að landi
kaupstaðar eða kauptúns, ná þessi ákvæði einnig tii
hennar. Skýrslu þessari skulu fylgja þær upplýsingar,.
sem Búnaðarfjelag íslands tiltekur.