Hlín - 01.01.1938, Side 18

16
Hlín
geirs Helgasonar. — Jólasálmar voru sungnir og barna-
sögur sagðar. Var samkoman hátíðleg og ánægjuleg.
í fyrravetur var haldin hlutavelta og var ágóða
hennar varið til spunavjelakaupa. Spunavjelin, sem er
25 þráða, var smíðuð hjer í sveitinni af Páli Sigurðs-
syni á Búlandi. Er hún nú komin í hendur fjelags-
kvenna og tekin í notkun. Er það meira en lítil hjálp
og vinnusparnaður að geta notað þessháttar vjel. Skal
þess getið hjer til athugunar, að 3 spunavjelar voru
fyrir í Tungunni, svo að nú eru þær fjórar. — Síðast-
liðirrn vetur var enn haldið vefnaðarnámsskeið fyrir
forgöngu og dugnað Kristínar Sigurðardóttur á Búlandi.
Er hún framúrskarandi áhugasöm og að öllu leyti vel
fallin til að hafa þessa forustu á hendi. Er það stór
kostur fyrir okkur að hafa hana og njóta starfskrafta
hennar. En því miður erum við ekki þess megnugar
að borga henni eins og vert væri, vegna þess að við
njótum svo lítils styrks í hlutfalli við þann kostnað,
er námskeiðin hafa haft í för með sjer. í sambandi við
líknarstarfsemi fjelagsins má geta þess, að það hefur
hlaupið undir bagga og hjálpað efnalitlu og bágstöddu
fólki, og hefur það að vonum verið þegið með bestu
þökkum. Megi gjafarinn allra gæða blessa þennan fje-
lagsskap og láta hann leysa mörg giftudrjúg verkefni
af hendi.
Ritað vorið 1936.
Fjelagskona.