Hlín - 01.01.1938, Qupperneq 127

Hlín
125
eign kvenfjelagsins og tekur til starfa í haust. — Sjer-
stök mæðradagsnefnd starfar í fjelaginu og selur
mæðrablóm. — Árið 1930 gaf fjelagið Ingjaldshóls-
kirkju fallegan altarisdúk, og hefur einnig lagt dálitla
upphæð í sjóð til þess að kirkjan yrði máluð innan.
Fjelagið er meðlimur í Búnaðarfjelagi þorpsins og
fær greitt fyrir störf sín til jarðræktar á sama hátt og
aðrir meðlimir. — Kvenfjelagið borgaði sprautun við
kíghósta fyrir nokkur fátæk börn á síðastl. sumri (40
kr.) og einnig ljet það 50 kr. fyrir fátæk börn til bólu-
setningar gegn barnaveiki, sem kom upp í þorpinu. —
Tekjur sínar hefur fjelagið af: Hlutaveltum, sjónleikj-
um og ýmsum skemtunum.
Aðalskemtun fjelagsins er 1. desember.
Frú Ingveldur Á. Sigmundsdóttir hefur altaf verið
formaður fjelagsins þar til síðastliðið haust, að hún
flutti burt af Hellissandi. — Þá hjelt fjelagið henni
samsæti, sem sátu rúmlega áttatíu manns. Var þar
skemt með ræðu'höldum, söng og fleiru og stiginn dans
til morguns. Fjelagið færði frú Ingveldi að gjöf skraut-
ritað kvæði í vönduðum ramrna.
Þá er getið þess helsta, sem Kvenfjelag Hellissands
hefur starfar að á liðnum 15 árum.
Sandi 21. júní 1936.
Jóhanna Vigfúsdóttir.