Valsblaðið - 01.05.1996, Side 16

í minningu látinna Valsmanna
Jakob
Benediktsson
Fæddur 5. janúar 1951
Dáinn 1. júlí 1996
Foreldrar Jakobs eru Svandís
Guðmundsdóttir f. 1920 og Benedikt
Jakobsson f. 1920. Bræður Jakobs
eru Bergur f. 1952, Helgi f. 1953 og
Sigurbjörn f. 1964. Jakob kvæntist
Gunnhildi Halldórsdóttur árið 1978.
Börn þeirra eru Jóhanna Dagmar f.
1978, Benedikt Þórður f. 1982 og
Júlíus Ágúst f. 1984. Gunnhildur og
Jakob skildu. Jakob stundaði sjó-
mennsku en lengst af rak hann Hótel
Akranes.
Einn af fræknustu sonum Vals, Jakob
Benediktsson, er fallinn frá langt um
aldur fram. Kobbi Ben, eins og Jakob
var ávallt nefndur meðal okkar
Valsmanna og vina sinna, gerðist barn-
ungur liðsmaður Vals enda æskuheim-
ili hans í Drápuhlíð, steinsnar frá
Hlíðarenda. Snemma komu hæfileikar
Kobba í ljós. Þar fór mikill íþrótta-
maður og drengur góður. Prúðmennska
hans og lítillæti var við brugðið. Ekki
spillti lúmskur húmor piltinum.
Aðeins 19 ára að aldri varð Kobbi
Norðurlandameistari í handknattleik
með unglingalandsliðinu í Finnlandi.
Þetta var árið 1970 og var ungu pilt-
unum fagnað sem þjóðhetjum við
heimkomuna. Þetta var fyrsti NM-titill
karla í handbolta og þótti að sjálfsögðu
frábært afrek. Kobbi var ein traustasta
stoðin í þessu unga liði.
í þrjú ár, 1968-1971, lék Kobbi með
meistaraflokki Vals í handbolta en þá
var verið að leggja grunninn að því
stórveldi sem Valur hefur verið undan-
farna rúma tvo áratugi í þeirri grein.
Atvikin höguðu því svo að Kobbi hætti
rétt tvítugur í handboltanum. Var það
sannarlega skarð fyrir skildi í röðum
okkar Valsmanna. Tengsl hans rofnuðu
smátt og smátt við félagið en alltaf var
hann boðinn og búinn að rétta félaginu
hjálparhönd ef til hans var leitað.
Við undirritaðir viljum þakka Kobba
framlag hans til Vals um leið og við
vottum foreldrum, bræðrum og bömum
hans okkar dýpstu samúð.
Með kveðju!
Bergur Guðnason
Brynjar Harðarson
Helga
Sigurbjörnsdóttir
Fædd 9. október 1907
Dáin 26. janúar 1996
Helga Sigurbjörnsdóttir fæddist á
Jörfa í Haukadal í Dalasýslu.
Foreldrar hennar voru Lilja Kristín
Arnadóttir frá Jörfa og Sigurbjörn
Guðmundsson bóndi í Kirkjuskógi í
Miðdölum. Helga var elst sjö systki-
na. Hún giftist Valdemar Ólafi
Kristjánssyni frá Kárastöðum í
Þingvallasveit árið 1933. Hann dó
árið 1981. Þau eignuðust tvo syni.
Þeir eru Kristján Grétar, kvæntur
Olgu Ragnarsdóttur, þau eiga fjögur
börn og átta barnabörn og
Sigurbjörn kvæntur Ólafíu Hrönn
Ólafsdóttur, þau eiga þrjú börn og
þrjú barnabörn. Helga og Valdemar
áttu allan sinn búskap heima í
Reykjavík, lengst af á Hlíðarenda við
Laufásveg, Valsheimilinu, eða í 23
ár. Þar af 15 ár sem húsverðir hiá
Val.
Helga Sigurbjömsdóttir skipar vegleg-
an sess í hugarheimi margra Vals-
manna sem léku sér daglangt niður að
Hlíðarenda — ekki síst utan æfingatíma.
Hún var nokkurs konar amma þeirra
drengja sem spörkuðu bolta um svæðið
frá morgni til kvölds og þeim þótti
notalegt að finna fyrir návist hennar og
Valdemars í Fjósinu. Helga amma var
ávallt reiðubúin að þerra tárin, gefa
drengjunum að drekka og ræða lífsins
gagn og nauðsynjar ef því var að skip-
ta. Helgu var annt um ungviðið og
gætti þess ávallt að menn létu kappið
aldrei bera fegurðina ofurliði. Hún sá
um að þvo keppnisbúninga Valsmanna
til margra ára og húsvarðastarfið leysti
þau hjónin af stakri snilld.
Minningarnar um Helgu em ljúfar og
Valsmenn, sem ólust upp undir vemd-
arvæng hennar, þakka henni trygglynd-
ið, stuðninginn og þá væntumþykju
sem geislaði ávallt af henni. Blessuð sé
minning hennar.
Valsmaður
16