Valsblaðið - 01.05.1996, Qupperneq 42

íslandsmeistarar Vals 1996. Efri röð frá vinstri: Ari Allansson, Ólafur Stefánsson, Jón Kristjánsson þjálfari, Júlíus
Gunnarsson, Sigfús Sigurðsson, Eyþór Gunnarsson, Ingi Rafn Jónsson.
Neðri röð frá vinstri: Sveinn Sigfússon, Skúli Gunnsteinsson, Örvar Rúdólfsson, Dagur Sigurðsson fyrirliði,
Guðmundur Hrafnkelsson, Davíð Ólafsson, Valgarð Thorodsen.
Starfid er margt
Ársskýrsla
Handknattleiksdeildar
Sigurgangan endalausa!
Þetta er í þriðja sinn sem undirritaður
sest niður til að skrifa ársskýrslu hand-
knattleiksdeildar. Og núna er það gert
með dálítið blendnum tilfinningum.
Arsskýrslan er skrifuð rétt fyrir jól og
fjallar um liðið keppnistímabil en hlýt-
ur samt sem áður að markast töluvert af
því andrúmslofti sem ríkir á líðandi
stundu. í dag eru Valsmenn að upplifa
aðra stöðu en þeir eru vanir. Barátta í
neðri hluta deildatinnar er ekki það sem
menn eiga að venjast. Er sigurgangan
endalausa kannski á enda? Eða er
metnaður okkar enn fyrir hendi? A eftir
að vora enn einu sinni á Hlíðarenda
með nýjum sigrum? í mínum huga er
ekki vafi á að slíkt sé mögulegt. En til
þess þarf fyrst og fremst trú á mark-
miðið og þátttöku „týnda”
Valsmannsins.
Mætir menn hafa tjáð mér að hundruðir
Valsmanna út um allan bæ hafi miklar
áhyggjur af stöðu mála hjá meistara-
flokki. Svo miklar að þeim sé vart
svefnvært og að þeir eigi erfitt með að
mæta til vinnu sökum háðulegs gríns
frá vinnufélögunum. Þessum sömu
vinnufélögum hefur hins vegar aldrei
verið strítt af gengi þeirra félaga.
Aldrei hefur verið nein ástæða til þess
því sá sem aldrei á toppinn klífur,
aldrei þaðan sígur.
Eg hef hins vegar mun meiri áhyggjur
af týnda Valsmanninum sjálfum en
þeirri stríðni sem hann kann að verða
fyrir. Valur er ekki stofnun sem lifir af
gömlum vana heldur lifandi félag sem
lifir og dafnar með þeim einstaklingum
sem æfa, þjálfa, starfa og styðja félagið
á hverjum tíma. Styrkur félagsins er því
fólginn í styrk einstaklingsins, Það
kemur enginn í ÞINN stað. Það leggur
enginn annar ÞINAR hendur á plóginn.
Það veitir enginn annar ÞINN stuðning.
ÞÍN er sárt saknað!
42