Búnaðarrit - 01.01.1967, Blaðsíða 254
246
BÚNAÐARRIT
júní, og jörðin liélt áfram að vera köld, svo að hægt
spratt. 1 öðru lagi eyðilagði rokið í júlíóveðrinu kart-
öflugrösin á austanverðu landinu, sérstaklega í Austur-
Skaftafellssýslu.
Þetta ár varð því vandræðaár fyrir allan þorra bænda,
sem ætlaði að byggja tekjuöflun sína á kartöflurækt.
Framleiðsla af gulrófum var mjög lítil og entist varla
nema til nóvemberloka. Það er lítt afsakanlegt, að bænd-
ur skuli ekki rækta meira af gulrófum, því að þær eru
ekki mjög dýrar í framleiðslu og ávallt ágætar til skepnu-
fóðurs, ef framleitt er meira en selst til manneldis. Sl.
vor munu margir bafa taliö of seint að sá rófum eftir
miðjan júní, en það liefði þó verið illskárra en að sá
kartöflum eftir þann tíma, því að rófur geta oft vaxið
fram eftir liausti, en kartöflur ekki.
Sölufélag garðyrkjumanna seldi grænmeti á árinu 1966
fyrir um 21 milljón króna, sem er 3,3 milljónum króna
meiri sala en 1965. Af vissuin tegundum grænmetis var
framleitt á árinu sem liér segir:
Tölurnar eru að nokkru leyti áætlaðar:
1966 1965
Tómatar ........................ 260 smál. 313 smál.
Gúrkur ......................... 423 þús. stk. 416 þús. stk.
Hvítkál ........................ 190 smál. 260 smál.
Blómkál ......................... 66 þús. stk. 77 þús. stk.
Gulrætur ....................... 100 smál. 130 smál.
Nokkurt magn af öðrum tegundum grænmetis var
ræktað til sölu. Má þar nefna grænkál, rauðkál, salat,
steinselju, hreðkur, blaðlauk, næpur, pipar, toppkál og
spergilkál.
Búfjáreign og framleiSsla búfjárafurSa. Tala búfjár
sett á vetur baustið 1965, og það er í raun og veru tala
búfjár í ársbyrjun 1966, var samkvæmt niðurstöðum
forðagæzluskýrslna: Nautgripir 59.542, þar af kýr 42.216,
sauðfé 846.705, þar af 698.638 ær, liross 34.013, geitur