Kylfingur - 01.05.2004, Page 39

Völlurinn á Korpúlfsstöðum, þó væri aðeins níu holur og meira að segja stuttur níu holu
völlur, varð fljótt tekjulind fyrir GR. Byrjendur gripu fegins hendi við vellinum og aðsókn
var mikil og góð. Auk byijenda notuðu reyndari félagar völlinn vor og haust til æfinga og til
að lengja golftímabilið. 1984 vom skráðar 5000 heimsóknir á Korpúlfstaðavöllinn og þar af
vom utanfélagsmenn þriðjungur. Ljóst var á þessari aðsókn að klúbbnum bar skylda til að
halda vellinum við, en misbrestur hafði orðið á hirðingu hans vegna anna starfsmanna við að
halda vellinum í Grafarholti í góðu standi. Má geta þess að sumarið 1984 var í Grafarholt-
inu bæði haldið Landsmót og Norðurlandamót og gátu fáir starfsmenn GR ekki sinnt Korp-
úlfstaðavellinum sem skyldi.
Borgaryfirvöld gerðu það strax ljóst að 18 holu golfvöllur í Korpúlfsstaðalandi var ekki í
umræðunnni og er helst að sjá að á þessum ámm hafi samskipti borgarinnar og GR verið
frekar stirð. í skýrslu sinni fyrir árið 1984 segir Hannes Guðmundsson, þáverandi formaður
GR: „Brýn þörf er á því að klúbburinn fái úthlutað viðbótarsvæði að Korpúlfsstöðum til
stækkunar vallarins og hægt verði að standa þannig að þeirri stækkun að hún verði varanleg.
Leitað var til borgaryfirvalda um úthlutun á svæðinu, en þein'i beiðni var hafnað. Látið var
þó að því liggja, að skilningur væri á því hjá borgaryfirvöldum að nauðsyn væri á öðmm
golfvelli í Reykjavík en Grafarholtsvelli. En segja verður hverja sögu eins og hún er. Mjög
djúpt er á þeim skilningi, ef hann er þá raunvemlega nokkur. Hefur það reynst mjög erfitt
fyrir klúbbinn að sækja aðstoð til borgaryfirvalda í hvaða mynd sem er. Virðist ekki skipta
máli, hvort beðið er um peninga eða einhvers konar fyrirgreiðslu, svarið er undantekningar-
lítið neitandi..."
Skrífaö undir samning umfram-
kvœmdir á golfvelli á Korpúlfstaða-
landi áríð 1994. Taliðfrá vinstri:
Júlíus Hafstein, formaður Iþrótta- og
tómstundaráðs, Markús Örn Antons-
son borgarstjóri, Garðar Eyland,
formaður GR og Hannes Eyvindsson,
gjaldkeri GR.
Gufunesið
GR hélt áfram að falast eftir landi fyrir golfvöll og 1985 kom tillaga frá borgaryfirvöldum
um að GR fengi afnot af hluta af landi Gufuness þar sem sorphaugar borgarinnar vom. Þeir
vom fullnýttir og átti að „breiða" yfir svæðið. Þar sem ljóst var að ekki mátti byggja á þessu
svæði hefur borgaryfirvöldum sjálfsagt fundist þau geta slegið tvær flugur í einu höggi, leyst
vanda GR og um leið nýtt land sem ekki var hægt að byggja á. I fyrstu þótti þessi kostur góð-
ur fyrir klúbbinn og var mikill áhugi hjá stjóminni að drífa í málinu og ekki leið á löngu þar
til tilbúin var teikning af golfvelli í Gufunesi, teikning sem Hannes Þorsteinsson golfvalla-
hönnuður gerði.
Það varð Ijóst síðar að um draumsýn var að ræða. Stefán Hermannsson, sem þá var aðstoð-
arborgarverkfræðingur, sagði í blaðaviðtali, að helst vildi hann hafa 15-20 ár til viðbótar til
að undirbúa svæðið. Þetta og sú staðreynd að enn var verið að losa msl í Gufunesinu á sama
tíma og teikning af golfvelli lá fyrir, varð til að gera golfvöll á sorphaugunum að fjarlægum
möguleika.
KYLFINGUR 37