19. júní - 19.06.1978, Qupperneq 4

Hjúskapur og sambúð
Hjúskapur og sambúð er til umræðu á
síðum 19. JÚNÍ að þessu sinni. Lengi hefur
verið áhugi fyrir því meðal ritnefndarmanna
blaðsins að taka fyrir málefni fjölskyldunnar,
að leitast við að svara ýmsum spurningum
varðandi hana og ef til vill varpa Ijósi á ein-
hverja fleti þessa flókna máls.
Ákveðið var að í þessu blaði skyldi fjallað
um hjúskap fólks.
Mikil umræða hefur átt sér stað að und-
anförnu, bæði á Norðurlöndum og á öðrum
vestrænum löndum um hjúskap og sambúð,
fjölskyldur og sambýlishætti. Menn spyrja
hverjir aðra: Hvers vegna giftir fólk sig og
hvers væntir það af hjónabandinu? Ætlar
fólk að eignast börn? Hvers vegna fækkar
barnsfæðingum í einu landi en fjölgar ört í
öðru? Er jafnrétti í sambúðinni? Hvað er gott
hjónaband og hver er réttarstaða einstakl-
inganna? Eru konur kúgaðar í hjónabandi
vegna þess að hjúskapur á rætur í hefð sem
miðaðist við að konan yrði eign eigin-
mannsins? Eru nútímakarlmenn fyrst og
fremst vinnuþrælar og gjaldkerar í þjóðfél-
agi allsnægtanna?
Ef marka má þá líflegu umræðu sem
skapaðist í ritnefndinni við undirbúning
blaðsins, sýnist okkur að ætla megi að þetta
málefni eigi erindi til (slendinga.
Ritstjóri.
2

J

j