19. júní - 19.06.1985, Page 16

Þau vilja feta í
fótspor foreldranna
Hver skyldu vera
viðhorf 10 ára
barna til framtíð-
arinnar í sambandi við stðrf, sambúð,
giftingu, barneignir og verkaskiptingu
á heimilinu. Svo virðist sem við giftum
okkur mun fyrr en nágrannaþjóðirnar
og samkvæmt því sem fram kemur í við-
tölunum hér á eftir verður lítil eða
engin breyting þar á.
19. júní ræddi við nokkur börn hvert
í sínu lagi en þrátt fyrir það er margt líkt
í svörum barnanna. Samtölin sýna að
skoðanir krakkanna eru nær samhljóða
hvað varðar atriði eins og hæfilegan
giftingaraldur, barnafjölda og að konan
hverfi af vinnumarkaðinum meðan
börnin eru lítil. Öll vilja börnin mennta
sig til ákveðinna starfa, vilja giftast og
eignast börn. Þeim finnst rétt að bæði
hjónin gangi í heimilisverkin. Starfsval
og ýmislegt annað bendir til að þau vilji
feta í fótspor foreldranna - finnst það
eðlilegast og best þannig.
Eiríkur R. Eiríksson
Hann langar að verða flugmaður eða
vinna í fyrirtækinu hjá pabba. Finnst
rétt að gifta sig svona um 21-22 ára og
eignast strák ogstelpu, tveim til þremur
árum eftir giftingu. Konan, hún passar
litlu börnin. Það að bæði vinni úti frá
litlu börnunum: „í lagi og ekki í lagi.“
Fyrst er sambúð og svo gifting. Heimil-
isstörfunum á að skipta jafnt.
Mennirnir vinna úti gera við bíla og
svoleiðis. „Konan á að kenna kallinum
verkin, hann gæti það allt ef hann vill.“
Guðbjörg S. Halldórsdóttir
„Maður verður að læra til að fá góða
vinnu og mig langar að verða dýralækn-
ir.“ Hún vill vera heima a.m.k. hálfan
daginn ef hún eignast börn. Vill ekki
vera í sambúð heldur gifta sig strax um
22-25 ára aldur. Ef bæði vinna jafnlengi
eiga þau að hjáipast að heima og gera
jafnmikið. Mennirnir eiga líka að
hjálpa til við heimilisstörfin þó konan
vinni ekki fulla vinnu.
„l-2börn vil égeiga, ekki fleiri þvíþað
kostar mikið að eiga börn.“
Þór Bœring Ólafsson
„Ætla að verða vélstjóri eða skipstjóri
- pabbi var á bát þegar hann lifði.“
Finnst rétt að gifta sig um tvítugt og
eiga 2 börn það er passlegt og alveg
nóg.
Konan á að vera heima hjá börnunum
eða vinna hálfan daginn. Er til viðræðu
um að minnka við sig vinnuna ef konan
vill endilega vinna allan daginn. „Bæði
eiga að hjálpast að við öll verk. Betra
að búa fyrst saman og gifta sig svo.“
16