19. júní - 19.06.2000, Síða 17

Hugsa um heilbrigði á annan hátt
Pálína Vagnsdóttir ásamt ungri dóttur sinni, Steinunni Maríu H. Eydal.
Pálína Vagnsdóttlr er ein þeirra kvenna sem tók þátt I
námskeiðinu hjá Gígju og Unni. Hún er heimavinnandi
með tvö börn og hafði ekki stundað markvissa hreyfingu í
nokkur ár. „Þetta var frábært námskeið og virkilega
gaman að taka þátt í þessari rannsókn.Við lögðum
okkur fram og vildum að þetta tækist sem best hjá
þeim ekki síður en okkur sjálfum. Þær stóðu sig með
mikilli prýði, uppbygging námskeiðsins var svo fjölbreytt
og skemmtileg. Þótt það hafi verið erfitt að venja sig á
breytt mataræði og að borða sex sinnum á dag, þá
fann ég fljótt að það skilaði sér í aukinni orku. Hjá mér
skilaði þetta námskeið í heild sinni tvfmælalaust bættri
almennri líðan. Það er meiri kraftur í mér og ég er
úthaldsbetri en ég var: Eftir að hafa tekið þátt í þessu
hugsa ég á annan hátt en ég gerði um heilbrigði. Eg sé
það í víðara samhengi. Ég fór ekki á áframhaldandi
námskeið, en ég held enn sömu vigt og ég náði hjá
þeim og ég hreyfi mig reglulega, bæði geng og hjóla og
held mig við reglurnar í mataræðinu." ■
bara þyngri þegar námskeiðinu
myndi Ijúka. Þessi megrunarárátta
er bara margra ára misskilningur
sem við viljum leiðrétta. Megrun í
formi svelti veldur vítahring og
verður til þess að líkaminn hægir
á brennslunni og fer að geyma
fitu. Staðreyndin er sú að þú
brennir fleiri kalorfum eftir því
sem þú ert með meiri vöðva.Við
gerðum konunum grein fyrir, sér-
staklega þeim sem höfðu ekki
stundað hreyfingu í mjög langan
tíma, að á meðan þær væru að
aðlagast breyttum matarvenjum
og væru að byggja upp vöðva, þá
væri ekki ólíklegt að þær myndu
þyngjast. En þær mættu ekki
missa móðinn, þær myndu léttast
þótt það kostaði svolitla þolin-
mæði. Auk þess líður fólki miklu
betur sem borðar reglulega, held-
ur en þeim sem eru að svelta sig.
Stöðug hungurtilfinning og skort-
ur á orku leiða af sér vanlfðan.
Lfkaminn og andinn þurfa bensín
í formi matar
Hvers vegna létuð þið nám-
skeiðið heita „I kjólinn fyrir jólin'?
Voruð þið ekki einmitt með því að
leggja áherslu á útlit og megrun,
sem þið síst vilduð?
Því miður er það nú þannig að
slíkum meðulum þarf að beita til
að fólk drífi sig f líkamsrækt. Við
ætluðum svo sannarlega að
höfða til heildræns heilsuátaks,
námskeiðið átti að fara af stað
undir nafninu lífstfðarbreyting. En
það vex fólki svo í augum, það vill
frekar eitthvað ákveðið takmark
sem næst á stuttum tíma. Þess
vegna völdum við þetta nafn.
Okkar var eindregið ráðlagt að
ná konunum inn með svona yfir-
skrift, síðan gætum við komið
með alla fræðsluna. Og við lögð-
um strax í byrjun áherslu á að
ekki væri ætlunin að steypa allar
konur f sama formið, þær gætu
litið vel út í jólakjólnum án þess
að vera örmjóar Aðalatriðið var
að komast í gott form og líða vel
með sjálfa sig. Og markmiðið var
ekki síst að kenna þeim að gera
það að lífsstíl að borða og hreyfa
sig reglulega, láta löngunina til
þess koma frá þeim sjálfum.
Gígja og Unnur lögðu mikið uþþ
úr að gera námskeiðið ánægjulegt
og hrista konurnar vel saman. Þær
fóru með þeim út að borða, fóru
með þeim í heitan pott og gáfu
þeim þannig færi á að sþjalla
saman og kynnast betur, ekki bara
að mæta í tíma og fara heim. Þær
segja þetta skiþta miklu máli, því
fólk heldur frekar áfram ef það er
gaman að koma í þúlið. Á útskrift-
ardaginn keyþtu þær svo 52 kiló af
svínafitu til að sýna konunum hvað
þær voru búnar að afreka.
Sjónræn upplifun er mjög
áhrifarík. Þá sér fólk árangurinn
og það er mikil hvatning til að
halda áfram. Þú sérð ekki breyt-
inguna svo vel frá degi til dags.Við
höfðum sjálfar mikla ánægju af
þessu námskeiði og lærðum
mjög mikið á að gera þessa rann-
sókn.Við erum þakklátar konun-
um sem tóku þátt og hafa með
þvf hjálpað okkur mikið. Nú
ætlum við að fara af stað með
nýtt námskeið og nota þessa
reynslu og þessar niðurstöður.
Nú getum við bent fólki á það
svart á hvítu við upphaf nám-
skeiðs hver ávinningurinn verður
ef það fylgir leiðbeiningunum.
Strax í haust ætlum við af stað
með námskeið þar sem mark-
miðið verður að fá fólktil að taka
meiri ábyrgð á sinni eigin heilsu.
Við ætlum að koma þjóðinni í
betra form!
Nýtist sjúkraþjálfunarnámið
ykkur vel í kennslu við líkamsrækt?
Já, mjög vel. Við teljum mjög
áríðandi að þjálfarar og leiðbein-
endur séu faglærðir, því það geta
sannarlega skapast vandamál ef
fólk er t.d. að beita likamanum
rangt í æfingum, sérstaklega í
tækjunum. Og þótt fólk sé ekki
endilega að gera hlutina á rangan
hátt þá gæti það verið að ná
miklu meiri árangri með réttri
leiðbeiningu.
Námið nýtist okkur einnig
mjög vel þegar við fáum til okkar
fólk sem er með viðvarandi
verki. Ungt fólk er að fá bakverki,
hnéverki og annað en í stað þess
að styrkja líkamann er það alltaf
að hlífa sér En þá er það komið í
vítahring, því stoðkerfið þarf ein-
mitt að vera sterkt og í góðu
ástandi til að taka við einhverjum
meinum. Það er ekki alltaf eina
leiðin að leita til læknis og fá lyf.
Fólk gæti komið í veg fyrir alls-
konar líkamsmein með því að
hugsa betur um skrokkinn, styrkja
hann og eflast andlega í leiðinni.
Og það má ekki gleyma því að
daglegur góður göngutúr er mjög
góð hreyfing, það þarf ekki endi-
lega að kaupa sig inn á einhverjar
líkamsræktarstöðvar að fara á
skíði og synda er líka góð hreyf-
ing. I nútíma þjóðfélagi ber fólk
þvi' gjarnan við að það hafi engan
tíma fyrir líkamsrækt en þá bend-
um við því á að ef það hafi ekki
tíma fyrir heilsuna í dag, þá hafi
það heldur ekki heilsu fyrir tím-
ann á morgun! ■
17