Fréttablaðið - 03.12.2010, Blaðsíða 50

3. DESEMBER 2010 FÖSTUDAGUR2 ● dagur rauða nefsins
● VISSIR ÞÚ AÐ ...
- Yfir 22.000 börn deyja á dag af orsökum sem einfalt og ódýrt er að
koma í veg fyrir. Við trúum því að þessi tala geti verið núll. En þú?
- á 45 sekúndna fresti deyr barn af völdum malaríu. Flugnanet til að
koma í veg fyrir malaríu kostar aðeins 776 krónur.
- UNICEF veitir börnum í yfir 90 löndum hreint vatn og bætir hreinlætis-
aðstöðu í skólum og samfélögum.
- þegar neyð skellur á leiðir UNICEF oftast alþjóðlegt hjálparstarf í vatns-
og hreinlætisverkefnum, en með því að tryggja hreinlæti og aðgang
að heilnæmu vatni má koma í veg fyrir sjúkdómsfaraldra.
- þegar neyð skellur á getur UNICEF brugðist við á innan við 24 klukku-
stundum.
- 126 milljónir barna stunda lífshættulega vinnu. Vertu með okkur í liði til
að breyta þessu.
- í dag eru 300 þúsund börn þvinguð til vopnaðra átaka. UNICEF beitir
áhrifum sínum til að frelsa börn undan vopnuðum átökum og aðlaga
þau samfélaginu að nýju.
- yfir helming dauðsfalla barna má rekja til vannæringar. Fyrir 1.500
krónur fyrir 1.500 krónur má kaupa 24 poka af næringarríkri fæðu fyrir
vannærð börn.
- 93 milljónir barna hafa ekki tækifæri til að ganga í skóla – meirihluti
þeirra er stúlkur.
- á árinu 2006 keypti UNICEF nærri 25 milljónir moskító-flugnaneta
eða 40% af heildarframleiðslu þeirra á heimsvísu. Flugnanetið kemur
í veg fyrir malaríu, en 1 af hverjum 5 dauðsföllum í Afríku má rekja til
malaríu.
Á Íslandi verður Dagur rauða
nefsins haldinn í þriðja sinn í dag.
Hann gengur út á að beita kímni
og hlátri til að vekja athygli á bág-
bornum aðstæðum barna í fátæk-
ari löndum þessa heims. UNICEF
vill að dagurinn á Íslandi gangi út
á að gleðjast og gleðja aðra, en þar
koma rauðu nefin einstaklega sterk
inn.
Hugmyndin að Degi rauða
nefsins kemur frá bresku góðgerðar-
samtökunum Comic Relief, sem
héldu fyrsta Dag rauða nefsins (e.
Red Nose Day) árið 1988 í þeim til-
gangi að safna fé til þurfandi barna
í Afríku. Síðan þá hefur Dagur
rauða nefsins verið haldinn annað
hvert ár og hefur hann nú fest sig í
sessi sem einn af stærstu góðgerðar-
viðburðum Bretlands.
UNICEF hélt Dag rauða nefsins í
fyrsta skipti á Íslandi árið 2006 og
svo aftur árið 2009. UNICEF þarf
enn fleiri heimsforeldra og því var
ákveðið að slá ekkert af og halda
daginn aftur árið 2010.
Söfnunin nær hámarki í kvöld
þar sem einvalalið leikara,
skemmtikrafta og grínista ætlar að
skemmta landanum í söfnunar- og
grínþætti í galopinni dagskrá á Stöð
2 og hefst gamanið klukkan 20.
Dagur rauða nefsins
Dagur rauða nefsins er haldinn í þeim tilgangi að safna fé til þurfandi barna í Afríku.
Útgefandi: UNICEF Ísland Heimilisfang: Laugavegi 42, 101 Reykjavík
Ritstjórar: Hólmfríður Anna Baldursdóttir og Flóki Guðmundsson
Ábyrgðarmaður: Stefán Ingi Stefánsson Heimilisfang: Laugavegi 42, 101 Reykjavík
Símanúmer: 552 6300 Tölvupóstfang: unicef@unicef.is Vefsíða: www.unicef.is
Stefán Ingi Stefánsson, framkvæmdastjóri UNICEF á Íslandi, og Svanhildur Konráðsdóttir, formaður stjórnar. FRÉTTABLAÐIÐ/STEFÁN
Stefán Ingi Stefánsson,
framkvæmdastjóri UNICEF á
Íslandi, hitti sextán ára móður
í Síerra Leóne. Hún var með
yngsta barnið sitt af fjórum
vannært á spítala.
„Helsta verkefni okkar hjá UNICEF
á Íslandi er að safna heimsforeldr-
um sem styrkja verkefni í þágu
bágstaddra barna með mánaðar-
legum framlögum,“ lýsir Stef-
án Ingi Stefánsson framkvæmda-
stjóri og segir ekkert hafa dregið
úr framlögum Íslendinga eftir að
kreppan skall á hér. „Hingað hefur
hringt fólk sem segir: „Það er erfitt
hér hjá okkur en mig langar samt
sem áður að hækka framlagið til
UNICEF því ég veit að aðrir hafa
það mun verra.“ Oft er það þannig
að þegar þrengist að hjá fólki hugs-
ar það til annarra líka.“
Stefán segir alla sammála því
í grunninn að öll börn í heimin-
um eigi rétt á lífi, heilsu og skóla-
göngu en því miður sé raunveru-
leikinn annar. Því vinni UNICEF
að því að kynna stöðu bágstaddra
barna og bjóða fólki að taka þátt í
að bæta líf þeirra. Út á það gangi
dagur rauða nefsins. „Mér finnst
mikilvægt að fá að þakka öllum
þeim sem gera okkur þetta verk-
efni kleift,“ segir Stefán um Dag
rauða nefsins. „Þarna er fjöldi af
leikurum, skemmtikröftum og
tæknifólki sem hefur hjálpað okkur
gegnum árin. Sumt af því fólki er
sýnilegt og annað ekki. Það er ekki
hægt að setja svona verkefni í loft-
ið nema með þessum mikla stuðn-
ingi og við erum afskaplega þakk-
lát fyrir hann. Þátturinn á Stöð 2 er
ætlaður fyrir þá sem vilja bætast
við sem heimsforeldrar og þá sem
eru það fyrir svo þeir sjái í hvað
styrkir þeirra fara.“
Heimsforeldrar styrkja ekki
eitt ákveðið barn heldur vinnur
UNICEF með samfélögum í vanþró-
uðum ríkjum að því að byggja þar
upp heilsugæslu og skóla. Stefán
segir heimsforeldra vera hryggjar-
súluna í því starfi. „Í sveitahéruð-
um í Vestur-Afríku þurfa börn víða
að ganga um tíu kílómetra á dag í
skólann og það geta þau auðvitað
ekki fyrr en þau fara að stálpast.
UNICEF styður heimamenn í að
byggja samfélagsskóla nær, bæði
grunnbygginguna, með hreinlætis-
aðstöðu og vatni, og líka að þjálfa
kennara til að tryggja að menntun-
in standi undir nafni.“
Sjálfur hefur Stefán Ingi ferðast
bæði til Síerra Leóne og Gíneu-
Bissá og séð þar hvað UNICEF er
að gera. „Ég kom í barnaspítala
í Síerra Leóne og hitti þar stelpu
sem var sextán ára. Hún var með
van nært barn og þetta var fjórða
barnið hennar. Margar stelpur
eignast sitt fyrsta barn barn-
ungar sjálfar. Það eru yngstu
börn yngstu mæðranna sem eru í
mestri hættu vegna vannæringar
en ef stúlkurnar komast í skóla og
fá upplýsingar og fræðslu giftast
þær seinna. Það er beint samband
þar á milli. Líkurnar á því að barn
deyi fyrir fimm ára aldur minnka
um helming ef móðirin hefur sótt
grunnskóla og framhaldsskóla.
Menntunin í hinum vanþróuðu
ríkjum hefur þannig bein áhrif á
heilsu, fjölskyldustærð og tekjur.
Því er svo mikilvægt að unga fólkið
komist í skóla.“ - gun
Menntun hefur bein áhrif
Þökkum
stuðninginn
Smiðjuvegi 3 - 200 Kópavogur - Sími 544 5700 - www.polyhudun.is