Fréttablaðið - 03.12.2010, Blaðsíða 10
10 3. desember 2010 FÖSTUDAGUR
AUGLÝSING UM ÚRSKURÐ
UM SLITAMEÐFERÐ
FRÉTTIR VIÐSKIPTI ÍÞRÓTTIR LÍFIÐ UMRÆÐAN
STÝRÐU UMRÆÐUNNI Í ÁTT TIL ÞÍN
Meiri Vísir.
KVEIKT Á KERTUM Risastórri sjö arma
ljósastiku hefur verið komið upp í
Washingtonborg í tilefni af ljósahátíð
gyðinga. NORDICPHOTOS/AFP
BARIST VIÐ ELDANA Slökkviliðið átti litla möguleika á að ráða við ofsa eldanna.
NORDICPHOTOS/AFP
ÍSRAEL Slökkvilið Ísraels sagðist
í gærkvöld ekkert ráða við skóg-
areldana sem geisuðu skammt frá
borginni Haífa. Stjórnvöld sögðu
þetta verstu náttúruhamfarir í
sögu Ísraels.
Um tíma æddu eldarnir áfram í
hlíðum Karmelfjalla og fóru hálf-
an annan kílómetra á aðeins þrem-
ur mínútum. Rýma þurfti nokkur
þorp og voru þúsundir manna flutt-
ir burt frá hættusvæðunum. Meðal
annars þurfti að rýma sjúkrahús,
stúdentagarða, fangelsi og sam-
yrkjubú.
Um fjörutíu fangaverðir létu
lífið þegar kviknaði í strætis-
vagni, sem þeir voru í.
Ferð þeirra var heitið að
Damon-fangelsinu, þar
sem rýma þurfti fangels-
ið vegna eldanna. Menn-
irnir höfðu ekki unnið í
fangelsinu, heldur brugð-
ust við hjálparbeiðni
vegna eldanna.
„Þeir reyndu að flýja
en brunnu lifandi. Þetta
var hræðilegt,“ hafði
ísraelska dagblaðið Jer-
usalem Post eftir tals-
manni slökkviliðsins.
Alls voru um fimmtíu
fangaverðir í vagnin-
um, en tíu þeirra tókst að komast
undan í tæka tíð.
Óvenju miklir þurrkar eru nú í
Ísrael og sterkir vindar bera eld-
inn hratt. Óljóst var um eldsupp-
tökin í gær.
Eli Jischai innanríkisráðherra
lét kalla út allt slökkvilið í norð-
anverðu landinu og Ehud Barak
varnarmálaráðherra sagði að her
landsins myndi taka þátt í slökkvi-
starfinu.
Tugir manna voru
sárir eftir eldana, þar á
meðal lögreglustjórinn í
Haífa sem var illa hald-
inn.
„Við höfum misst alla
stjórn á eldunum,“ hafði
ísraelska dagblaðið
Haaretz eftir talsmanni
slökkviliðsins í Haífa.
„Það er ekki til nógu
mikið af slökkvibúnaði í
Ísrael til að slökkva eld-
inn.“
Stjórnin í Kýpur og á
Grikklandi höfðu í gær
brugðist við hjálparbeiðni, en
einnig hafði verið leitað til Banda-
ríkjanna, Búlgaríu, Króatíu, Spán-
ar, Frakklands og Rúmeníu eftir
aðstoð, meðal annars um að fá her-
þotur frá nálægum flugvöllum til
að aðstoða við slökkvistarfið.
gudsteinn@frettabladid.is
Tugir farast í
skógareldum
Verstu náttúruhamfarir í sögu Ísraels hafa kostað að
minnsta kosti fjörutíu manns lífið. Stjórnvöld sögðu
eldana stjórnlausa og báðu um hjálp annarra ríkja.
VARÐ ELDINUM AÐ BRÁÐ Strætisvagn
með fjörutíu fangavörðum brann í einu
vetfangi.
Þeir reyndu
að flýja en
brunnu lifandi.
Þetta var
hræðilegt.
TALSMAÐUR
SLÖKKVILIÐSINS
Í ÍSRAEL
DÓMSTÓLAR Hæstiréttur hefur stað-
fest fjögurra og hálfs árs fangelsins-
dóm yfir Davíð Garðarssyni fyrir
að smygla til landsins 1,6 kílóum af
kókaíni frá Spáni. Rétturinn klofn-
aði hins vegar í afstöðu til aðildar
Guðlaugs Agnars Guðmundsson-
ar að smyglinu. Meirihlutinn taldi
aðild hans ekki hafna yfir vafa, en
sakfelldi hann um leið fyrir pen-
ingaþvætti. Dómur yfir honum fór
úr fjórum og hálfu ári í tvö.
Fangelsisdómur þriðja manns-
ins, Péturs Jökuls Jónassonar, sem
áfrýjaði til Hæstaréttar fór úr
þremur árum í tvö.
Tveir aðrir sem dæmdir voru
fyrir aðild sína að smyglinu undu
dómi héraðsdóms, en það eru Orri
Freyr Gíslason, sem fékk þriggja
og hálfs árs dóm og burðardýrið
Jóhannes Mýrdal sem fékk tveggja
ára dóm.
Fyrir Hæstarétti gerði Guðlaug-
ur Agnar kröfu um að hafnað yrði
upptöku eigna sem kveðið var á um
í héraði. Hæstiréttur hafnaði þeirri
kröfu og vísaði til heimildar í hegn-
ingarlögum um eignaupptöku. Guð-
laugur Agnar hafi ekki getað sýnt
fram á að aflað hafi verið á lög-
mætan hátt tæplega 4,7 milljón-
um króna og skartgripa að tveggja
milljóna króna virði.
„Svona dómar hafa ekki geng-
ið áður svo ég muni eftir,“ segir
Björgvin Þorsteinsson, lögmaður
Guðlaugs og furðar sig á því hvern-
ig sönnunarbyrði hafi verið snúið
við hvað varðar eignarhald á verð-
mætunum, sem gerð hafi verið upp-
tæk í bankahólfi föður Guðlaugs.
„Og pabbi hans hélt því fram að
hann ætti peningana. Ég skil ekki
hvernig þetta er hægt,“ segir hann
og útilokar ekki að reynt verði að
skjóta málinu til Mannréttinda-
dómstóls Evrópu. - óká
Lögmaður þekkir ekki viðlíka dæmi um eignaupptöku þar sem sönnunarbyrði er snúið við:
Einn sýknaður af aðild að kókaínsmygli
FRÁ ÞINGFESTINGU Davíð Garðarsson
við þingfestingu máls á hendur honum
og fjórum öðrum fyrir fíkniefnasmygl frá
Spáni. FRÉTTABLAIÐ/VILHELM