Faxi - 01.04.2006, Blaðsíða 3

i -'&Á
„...að lýsa þeim sem Ijósiðþrá,
en lifa í skugga”
i.jósmynd: Rósinkaróiafsson Ágvip af sögu Lionshreyfingarinnar
Alþjóðasamband Lionsklúbba
var formlega stofnað í Chicago
í Bandarikjunum 7. júní 1917.
Stofnandinn var kaupsýslumaðurinn Melvin
Jones. Hreyfingin óx injög hratt og uin 800
fulltrúar frá 23 Lionsklúbbum mættu til fyrsta
Alþjóðaþings hreyfingarinnar sem haldið
var í Dallas sama árið og alþjóðasambandiö
var stofnað. Tilgangurinn með stofnun
Lionsklúbbanna var að mynda sterk alþjóða-
samtök sem væru óháð stjórnmálaflokkum og
trúfélögum, og gætu efit heilbrigðan félags-
anda og samtímis innt af hendi þjónustu á
sviði liknar og mannúðarmála.
«Krossförin gegn myrkrinu"
Hreyfingin barst til Evrópu í lok síðari heim-
styrjaldarinnar og fyrsti klúbbur álfunnar var
stofnaður í Stokkhólmi í mars 1948. Fyrsti
klúbburinn á Islandi var Lionsklúbbur Reykja-
víkur, en hann var stofnaður 14. ágúst 1951.
Lengst af var Lionshreyfingin aðeins fyrir karla
en árið 1979 var fyrsti Lionessuklúbbur stofn-
aður hér á landi.
Hreyfingin byrjaði snemma að leggja áherslu
á líknarmál. ekki síst starf í þágu blindra og
sjónskertra. Þessar áherslur má rekja til ársins
1925 þegar Helen Keller ávarpaði félaga á
Lionsþingi í Cedar Point í Ohio-fylki í Banda-
ríkjunum. Hún skoraði þar á Lionsfélaga um
allan heim að gerast „riddarar hinna blindu í
krossförinni gegn myrkrinu”. Magnús Kjaran.
einn helsti forvígismaður Lionshreyfingarinnar
á íslandi á fyrstu árum hennar, minnti jafnan á
þetta baráttumál með því að vitna til vísubrots-
ins „...að lýsa þeim sem Ijósið þrá, en lifa í
skugga.”
Lionsfélagarnir tóku þeirri áskorun og hefur
hún síðan haft grundvallarþýðingu fyrir störf
þeirra og skuldbindingar. Hreytingunni jókst
mjög ásmegin fyrstu áratugina og aðeins
einurn áratug eftir stofnun Alþjóðasambands-
ins voru Lionsklúbbamir orðnir rúmlega 1810
talsins og félagafjöldi rúmlega 61.000. Lions
Clubs lnternational er nú ein stærsta alþjóðlega
þjónustuhreyfing heims. Hún starfar í um 180
þjóðlöndum og er tjöldi félaga um ein og hálf
milljón karla og kvenna.
Konur í Lions
Lengst af var Lionshreytingin aðeins fyrir
karla en konur réttu sinn hlut nokkuð árið 1979
og þá varfyrsti Lionessu-klúbburinn stofnaður
hér á landi. I fyrstu var litið á Lionessuklúbb-
ana sem verkefni frá Lionsklúbbum og ekki
eru nema tuttugu ár síðan að konur gátu orðið
fullgildir Lionsfélagar. Á þeim tíma hafa flestir
Lionessuklúbbar á íslandi breyst í Lionsklúbba.
Nokkrir klúbbar ungs fólks, svonefndir Leo-
klúbbar, hafa verið stofnaðir á síðustu árum en
allt eru það aldursblandaðir klúbbar. Alls starfa
um 2500 manns í Lionsklúbbunum hérlendis.
Sameiginleg verkefni
Meðal sameiginlegra verkefna Lionshreyf-
ingarinnar á íslandi má m. a. nefna: Medic
Alert. unglingaskipti, vímuvarnir Lions Quest.
sjónvernd, Orkester Norden og fieiri mál. ís-
landi er skipt í 2 Lionsumdæmi: A suður og
austurland: B vestur og norðurland. í hvoru
umdæmi eru 8 svæði og á hverju svæði eru 46
klúbbar. Allt landi tilheyrir síðan einu fjöl-
umdæmi. í stefnuskrá hreyfingarinnar segir, að
í Lions vinni konur og karlar saman að ýmsum
verkefnum til góðs fyrir mannkyn allt og hug-
sjónir Lionsmanna séu óheftar af landamærum.
Jafnframt segir þar að í Lions myndist farvegur
umræðna sem efii og þroski félagana.
FAXI 3