Faxi - 01.04.2006, Blaðsíða 20

Þroskahjálpar á Suðumesjum voru veittar kr.
100.000 og til ýmissa tækja á Sjúkrahúsi Kefla-
víkur kr. 200.000.
37. starfsár 1992 - 1993
Afhent voru tæki til Sjúkrahússins fyrir um
220 þúsund krónur. Þau voru hitamælir, sem
mælir innri hita líkamans, filmuskoðunarskápur
til skoðunar rötgenmynda og æðadropper, tæki
sem mælir blóðsteymi í slagæðar. Þá voru veittar
25 þúsund krónur í söfnun til Sigurðar Baldurs-
sonar í erfiðleikum hans í Bandaríkjunum. Pen-
ingagjafir til aldraðra á Hlévangi og Garðvangi
fyrir jólin, eins og venja hefur verið til margra
ára, féllu nú niður að ráði forstöðukvenna heim-
ilanna. Þær telja að þessar peningagjafir komi
fæstum dvalargesta að nokkrum verulegum
notum. Þess í stað var ákveðið að styrkja hljóð-
færakaup heimilanna með sambærilegri upphæð
160 til 200 þúsund krónur, sem greiddar verða
þegar þess verður óskað. Átta sjúkrarúm, sem
hætt var að nota á Sjúkrahúsi Keflavíkur, voru
send til Póllands fyrir okkar tilstilli, en nokkrir
Lionsklúbbar á íslandi hafa styrkt hjálparstarf í
Póllandi með því að safna tækjum, sem hér hafa
þótt úrelt en koma sér vel í illa búnum sjúkra-
húsum í Póllandi.
38. starfsár 1993 - 1994
Á fyrsta fundi ársins skilaði formaður skemmti-
nefndar frá sl. ári peningum að upphæð kr.
184.000 og var hér um að ræða afgang frá sl.
ári. Þessi sjóður, misgildur að vísu, hefur alla tíð
verið í eigu félaganna sjálfra og hefur stundum
verið skírskotað til hans sem „Sukksjóðsins."
Hann er þannig til kominn að lagt hefur verið
ríflegt aukagjald á brjótbirtuna, er félagar hafa
gert sér glaðan dag. Samkvæmt gamalli hefð er
þetta eini sjóður klúbbsins, sem má nota í þágu
félaganna sjálfra, enda frá þeim kominn. Hefur
sjóður þessi oft verið birtu- og gleðigjafi köld-
um og hröktum félögum er þeir hafa komið í hús
frá perusölu. Á fyrri hluta starfsársins kom fram
tillaga frá gjaldkera vorum, að því aðeins væru
heimilar greiðslur úr sjóðnum til félaga vegna
leikhúsferða, eða annarra skemmtana, að félagar
hefðu áður greitt félagsgjöld sín. En hversu heit-
ar umræður verða um þennan sjóð eru allar líkur
á að hann muni áfram um ókomin ár gegna því
þarfa og göfuga hlutverk, sem honum var ákveð-
ið í upphafi.
Helstu verkefni klúbbsins þetta starfsárið var
framlag til kaupa á kviðsjártæki fyrir Sjúkra-
hús Keflavíkur. Þetta er mjög stórt og viðamikið
verkefni, sem unnið er í samvinnu við Lk. Óð-
inn og Lionessuklúbb Keflavíkur. Lk Keflavíkur
lagði nú til þessa verkefnis kr. 750.000. Þá var
greitt framlag til alþjóðasjóðs Lions L.C.I.F til
baráttu gegn blindu. Klúbburinn hefur að und-
anförnu tekið að sér að annast tvö fósturbörn á
Indlandi. Á þessu ári var ákveðið að bæta við
tveimur fósturbörnum, sem eiga heima í Bras-
ilíu. Þar með eru fósturbörn klúbbsins erlendis
orðin fjögur. Þetta er áhugavert og gott verkefni,
sem ekki er mjög kostnaðarsamt fyrir klúbbinn.
Konukvöld hjá Lionskl. Keflavíkur: Kolbrún Guðmundsdóttir, Eygló Gísladóttir og Ráðhildur Guð-
mundsdóttir
Til þessa verkefnis fara aðeins kr. 48.000 á ári,
sem veita mun þessum fjórum börnum sóma-
samlegt uppeldi og möguleika til einhverrar
skólagöngu.
39.starfsár 1994 - 1995
Líknarstarf klúbbsins var með nokkuð hefð-
bundnum hætti, en klúbburinn hefur alla tíð
lagt höfuðáherslu á stuðning við Sjúkrahús Suð-
urnesja. Lagðar voru fram kr. 465.000 til kaupa
á kviðsjártæki og var það lokagreiðsla. Þetta
er samstarfsverkefni nokkra félaga á svæðinu.
Þetta þarfatæki var formlega afhent Sjúkra-
húsinu 2. janúar á þessu ári. Heildarkostnaður
vegna þessara tækjakaupa var um kr. 3.265.000.
Af þessari upphæð greiddi okkar klúbbur ríflega
þriðjunginn. Þá lagði klúbburinn einnig fram
fjárstuðning við Súðavíkur söfnunina kr. 25.000,
kr. 25.000 til íþróttafélagsins Ness, kr. 10.000
til Krísuvíkursamtakanna, og til M.S. félags ís-
lands kr. 10.000. Þá greiðir klúbburinn framlag
með 2 börnum í Brasilíu og á Indlandi. Þá var og
samþykkt að veita kr. 10.000 til jólagjafa fyrir
þessi fósturbörn klúbbsins.
40. starfsár 1995 - 1996
Á þessu ári eru liðin 40 ár frá stofnun
Lionsklúbbs Kellavíkur. í tilefni þessara merku
tímamóta í sögu klúbbsins flutti Tómas Tóm-
asson, einn af stofnendum hans, erindi um tilurð
og stofnun klúbbsins. Tómas minntist frumherja
Lionshreyfingarinnar á íslandi og nefndi þrjá
menn, þá Magnús Kjaran, Guðbrand Magnússon
og Einvarð Hallvarðsson, sem komnir voru af
léttasta skeiði er þeir gerðust kyndilberar þess-
arar nýju félagshreyíingar. Þeir stóðu hins vegar
föstum fótum í hinni miklu félagsmálabylgju frá
aldamótakynslóðinni, Ungmennafélagshreyf-
ingunni er létu sér ekkert óviðkomandi sem
mátti verða þjóð okkar og landi til uppbyggingar
Ragnar Guðleifsson var gerður að fyrsta heiðursfélaga Lk. Keflavíkur 1985. Á myndinni eru auk
hans Magnús Guðmundsson og Arnbjörn Olafsson
20 FAXI