Faxi - 01.04.2006, Blaðsíða 36

Vatnaveröld í Reykjanesbæ
Nýtt og glæsilegt íþróttamann-
virki, 50 metra innisundlaug hjá
Sundmiðstöðinni við Sunnubraut, var
opnað 12. maí síðastliðinn. Hjá nýju innisund-
Iauginni er Vatnaveröld, stór vatnagarður fyrir
yngstu kynslóðina, sem sagður er einn hinn
glæsilegasti á landinu og hinn eini sem er að öllu
leyti innanhúss. Nýja innisundlaugin uppfyllir
öllu skilyrði sem gerð eru til keppnislauga fyrir
alþjóðleg sundmót. Hún er jafnframt önnur af
tveimur 50 metra innisundlaugum á Islandi.
Með sérstakri lyftubrú má skipta henni í tvær
25 m kennslulaugar og þannig skapast aðstæður
til sundkennslu fyrir tvo grunnskóla.
Forsvarsmenn nýju sundlaugarinnar og Vatna-
veraldar segja að hvorutveggja sé þáttur í upp-
byggingu íþróttamannvirkja sem meðal annars
tengjast Iþróttaakademíunni í Reykjanesbæ.
Mannvirkin eru mikilvægur áfangi í átt að því
takmarki að gera Reykjanesbæ að höfuðstað
íþróttakennslu og íþróttaþjálfunar á íslandi.
Hugmyndavinna um sundlaugarbygginguna
hófst í maí 2003 og unnið var náið með
sundfólki ásamt menningar-, íþrótta og tóm-
stundaráði, Stefáni Bjarkasyni, Jóni Jóhanns-
syni, sundþjálfurum og öðrum framámönnum
í sunddeildinni. Ákveðið var að skipta laug-
inni með færanlegri brú, sem gerir kleift að
hafa 25m löggilta keppnislaug auk minni æf-
ingalaugar. Auk þess var ákveðið að ráðast í
lagfæringar á búningsaðstöðu í kjallara ásamt
metnaðarfullri útfærslu á vatnagarði sem
væri Ifklegur til vinsælda fyrir fjölskyldur
og ferðamenn. Mannvirkið kostar tæpar 680
milljónir króna. Eignarhaldsfélagið Fasteign
hf. á mannvirkið en leigir það til Reykjanes-
bæjar.
36 FAXI