Frjáls verslun - 01.04.2001, Síða 29

FORSÍÐUGREIN SflMEINING SJÚKRAHÚSfl
það hefði áhrif á gæði vinnunnar, því í faglegu tilliti keppum
við og tökum mið af sambærilegum sjúkrahúsum í ná-
grannalöndunum.“
Valið tíl Stjórnar „Varðandi val stjórnenda sjúkrahússins er
það svo að hér erum við með stjórn fimm pólitískt kjörinna
manna sem ekki vilja láta frá sér völdin - sem þeir þó í raun hafa
ekki. í dag er stjórnarnefnd fyrst og fremst stimpilpúði fyrir
það sem framkvæmdastjórn ákveður og hún hefur lítil tök á því
að skynja eða skilja það sem fram fer hér innan dyra. Eg man
að minnsta kosti ekki eftir því að hafa séð neinn þeirra sem þar
sitja nú, utan formanninn, hér á þessari stóru deild skoða að-
stæður eða kynna sér málin þar sem tveir þriðju íslenskra
barna fæðast og vilja þeir þó halda í réttinn til að ákveða hvern-
ig endanlegri stjórnun er háttað. Það sama gildir varðandi val
á yfirlæknum deilda. Hvernig eiga menn, sem enga þekkingu
eða skilning hafa á störfum tiltekinnar deildar, að ákveða hverj-
ir séu hæfastir til að stjórna þar? Er ekki betra að þeir sem með
mönnunum eiga að vinna og hafa faglega þekkingu á viðkom-
andi sérsviði fái að koma að valinu og ákveða að undangengn-
um hæfnisdómi hvað henti best? Við höfum hjá læknadeild
stigið það skref í vetur að búa til nýtt valfyr-
irkomulag í stöður sem vinnur á öðrum
grunni. Nefnd sérfróðs fólks og stjórnenda,
ásamt fulltrúum ólíkra hagsmuna, s.s.
væntanlegs samstarfsfólks, kemur að því
að ákveða hver fær stöðuna sem um er að
ræða, en valið er ekki á hendi eins manns.
Það kerfi að einn aðili, t.d. lækningafor-
stjóri, ákveði hver verði yfirlæknir á grunni
hæfnismats frá aðilum sem ekki endilega
hafa sérþekkingu á sérgreininni, er bæði
ófullkomið og ófullnægjandi."
Háskólamenn Reynir Tómas segir fólk-
ið, sem kemur inn á spítalana úr háskólan-
um að öllu jöfnu, mjög vel menntað fólk
sem hafi meiri þekkingu og færni, og oft á
tíðum meiri víðsýni, en þeir sem ekki
koma þaðan. Þetta fólk leiði spítalann sjálf-
krafa inn í forystuhlutverk hér á landi, og
á alþjóðavettvangi ef því er að skipta. Því
sé mikilvægt að halda háskólafólkinu í
stjórnunarstöðum innan spítalans og leyfa
því að taka fullan þátt í að leiða hann
áfram. „Kennsla og rannsóknir eru for-
sendur fyrir gæðum, því til að gera vel
verða menn að standa vel og framarlega í
sinni sérgrein. Prófessor, sem stendur á
gati gagnvart nemendum sínum sem leita
nýjustu upplýsinga, er í vondum málum.
Aðkoma háskólamenntaðs fólks, sem hef-
ur reynslu af stjórnun kennslu og rann-
sókna, tryggir að alltaf sé til staðar ný
þekking og þekkingarleit.“
Sparnaður „Ef tekst vel upp á sviðunum
við að halda sig innan fastra Ijárveitinga og
spara - þá fá þeir sem það gera ekki að
njóta þess. Á síðasta ári var það sem við
spöruðum tekið af okkur og meira til. Ef fé vantar þá ætti líka
að mega færa til fjárveitingar. Eg benti okkar ágæta fyrrver-
andi heilbrigðisráðherra á það að til væru ónotaðar heimildir
utan Reykjavíkur vegna ljósmæðra og fæðingarlækna. Af
hverju fáum við þetta ekki? Við fáum erfiðustu tilfellin og eig-
um því að vera betur mannaðir en aðrir og hafa til þess fé, en
svo er ekki. Er rétt að hafa 50% fleiri skjólstæðinga á hvern
fæðingalækni hér en annars staðar á sambærilegum sjúkra-
húsum erlendis og allt að 4-6 sinnum fleiri en utan höfuðborg-
arsvæðisins? Getur slíkt talist fullnægjandi frá öryggissjónar-
miði? Er þetta vegna þess að þingmenn Reykvíkinga eru veik-
ir og gæta ekki hagsmuna síns fólks? Það hefur enginn heil-
brigðisráðherra í meira en áratug komið úr röðum þing-
manna Reykvíkinga." „Eg held að það séu allar forsendur til
þess að hægt sé að búa til virkt og gott háskólasjúkrahús í
sameiningaferli spítalanna í Reykjavík, en það verður að ger-
ast með þeim hætti að stjórnendur spítalans séu óhræddir við
að hleypa háskólamönnum að í stjórnun og ákvarðanatöku
varðandi spítalann og að þeir líti á háskólamennina sem
styrkleika en ekki veikleika, sem tækifæri en ekki sem ógn-
un,“ segir Reynir Tómas Geirsson. BH
Við höfum yfirsýn...
.yfir allar flutningsleióir
www.samskip.is
SAMSKIP
Holtabakka við Holtavegur, IS-104 Reykjavík
Sími 569 8300, Fax 569 8327
samskip@samskip.is - www.samskip.is
29