Frjáls verslun - 01.04.2001, Side 72

Elías Magnússon, starfsmannastjóri VR. „Mér finnst í sjálfu sér í lagi
að sþurningin komifram en það er einstaklingsbundið hvort og hvernig
á að svara. Konur eru ekki skyldugar að svara sþurningunni því að
þetta er einkamál hverrar konu. “
- Ef 35 ára barnlaus kona kemur til greina í starf toppstjórn-
anda, velta menn þá frekar fyrir sér hugsanlegum barneignum
en ef hún ætti barn fyrir?
„Auðvitað er það rætt og menn velta fyrir sér slíkum hlutum en
ef áhugi er á að ráða hana og hún er hæfust til að gegna starf-
inu, þá ráða þeir hana alveg hiklaust til starfa. Það er ekki sú fyr-
irstaða fyrir hendi sem var. Atvinnurekendur vita sem er að þeir
geta misst hana úr starfi af einhverri annarri ástæðu, td. við
flutning til útlanda. Atvinnutækifærin eru víða og nákvæmlega
sama gildir um karla. Aðstæður eru fljótar að breytast og oft er
erfitt að spá fyrir um hversu lengi fólk staldrar við í starfi," svar-
ar Katrín.
Karlar spurðir líha? Erlendis heyrist öðru hvoru rætt um að
nýráðnum kvenkyns starfsmönnum sé gert að skrifa undir
samning til að koma í veg fyrir brotthvarf þeirra úr vinnu vegna
barneigna á fyrstu mánuðum eða árum í starfi og hafa sögu-
sagnir um slíkt komist á kreik hér en lítill fótur virðist fyrir því.
Ekkert slíkt tilfelli hefur komið upp á borð hjá stéttarfélögunum
eftir því sem Frjáls verslun kemst næst. „Ég hef heyrt slíkan
orðróm en aldrei séð slíkan samning og veit ekki hvort þetta er
satt eða ekki,“ segir Elías.
- Er löglegt að láta starfsmenn skrifa undir slikan samning?
„Það hefur ekki reynt á það en ég efast um að slíkur samning-
ur stæðist lög,“ svarar hann.
Um síðustu áramót tóku gildi ný lög sem veita foreldrum
sjálfstæðan rétt til þriggja mánaða fæðingarorlofs án tillits til
kynja. Lögin taka gildi smám saman fram til ársins 2003 en frá
síðustu áramótum hafa karlar rétt á eins mánaðar fæðingaror-
lofi á 80 prósenta hlutfalli af heildarlaunum. Starfsmannastjór-
arnir sem Frjáls verslun ræddi við telja að nýju lögin hafi áhrif
á stöðu kvenna á vinnumarkaði og annað hvort hverfi spurn-
ingin um fyrirhugaðar barneignir eða að hún verði í jafn mikl-
um mæli lögð fyrir karla. Atvinnurekendur og starfsmanna-
stjórar geri sér grein fyrir að karlar hafi rétt á sínu barnsburð-
arleyfi eða þurfi að vera heima vegna barna. B3
72