Frjáls verslun - 01.02.2002, Síða 83

Islendingar selja fisk til Þýskalands ogfá í staðinn margskonar vörur, t.d. byggingarefni, matvœli, rafmagnstæki og bíla.
aldar. „í þá daga sóttust Þjóðveijar eftir þorskalýsi og harð-
fiski, loðnu, gærum, æðardúni, fálkum o.fl. Til Islands fluttu
menn aftur á móti matvæli, byggingarefni, tjöru, timbur, járn-
vörur, lín og bjór, þannig að vöruúrvalið sem flutt hefur verið
á milli landanna var ijölbreytt þá, ekki síður en nú.“
Þýskaland er í dag næststærsta viðskiptaland Islands. Um
12% allra vöruskipta eru við Þýskaland, markaðshlutdeild
íslenskra sjávarafurða í Þýskalandi er nærri 10% og íslend-
ingar eru þar í ijórða sæti. 28% álframleiðslunnar fer á Þýska-
landsmarkað og íslenskir vikurframleiðendur anna 10% af
vikurmarkaði í Þýskalandi.
Þekkt vörumerki Sjávarafurðir hafa eðlilega verið
langstærstur hluti útflutnings Islendinga til Þýskalands, en á
móti hafa Þjóðveijar flutt til Islands vélar og tæki hvers konar,
bíla, raftæki og í raun þverskurð þess sem þeir flytja út til
annarra landa. „Þýskar vörur eru auðvitað þekktar á Islandi
og það nægir að nefna Siemens, AEG, BMW, VW, Benz,
Miele, Bosch og svo áfram, svo ekki sé nú minnst á allan bjór-
inn, Becks, DAB, Warsteiner, Holstein og fleiri. Síðan kaupa
íslendingar ijöldann allan af öðrum vörum sem eru kannski
ekki þekktar meðal almennings, en mjög þekktar i viðkom-
andi fagi, t.d. prentvélar frá Heidelberg, Baader vélar frá
Liibeck í frystitogara og frystihús o.s.frv.,“ segir Kristín.
Samskipti íslands og Þýskalands eru margvísleg og þar
styður hvert svið við annað: „Þjóðverjar hafa alla tíð má segja
haft mikinn áhuga á Islandi og Islendingum af ýmsum
orsökum eins og þekkt er, sumar þessara ástæðna rilja menn
nú ógjarna upp enda tengjast þær sérkennilegum hugmynd-
um nasista um íslendinga. Að þessu frátöldu hafa samskiptin
verið mikil og góð, Þjóðverjar eru t.d. sú þjóð sem mest hefur
stutt við íslenska kvikmyndagerð, hér hafa verið reknar
þýskar menningarmiðstöðvar um áratuga skeið, íslenskar
skáldsögur hafa gengið mjög vel í Þýskalandi síðustu árin og
svo má áfram telja á menningarsviðinu. Mikill ijöldi Islend-
inga hefur auðvitað stundað nám í Þýskalandi, kannski eink-
anlega í verkfræði og tæknigreinum, arkitektanemar fóru
margir til Þýskalands á ákveðnu árabili, þannig að tengslin
eru auðvitað allt í senn, í viðskiptum, tækniþekkingu, menn-
ingu og menntun. Mikilvægustu tengslin skapast þó senni-
lega í gegnum ferðaþjónustuna og þá staðreynd að á hverju
ári heimsækja Island tugir þúsunda Þjóðverja sem kynnast
landi og þjóð.“
Víðtæk sambönd í Þýskalandi Þýsk-íslenska verslunarráðið
var stofnað til þess að verða einskonar miðstöð viðskipta
íslands og Þýskalands og þar eru félagar langflest þeirra fyrir-
tækja sem eiga í viðskiptum milli landanna. „ÞIV er hagsmuna-
félag iýrirtækja og heldur hagsmunum þýsks og íslensks
atvinnulífs á lofti,“ segir Kristín. „Þetta eru frjáls og óháð sam-
tök sem ekki hafa önnur markmið en að auðvelda verslun og
viðskipti. Ráðið hefur víðtæk sambönd í Þýskalandi og auð-
vitað hér og hefur staðið fyrir margvíslegum viðburðum sem
ætlað er að auka áhuga Islendinga og Þjóðverja á gagn-
kvæmum viðskiptum. ÞÍV veitir margs konar þjónustu til að
greiða iýrir viðskiptum, gerir markaðskannanir, miðlar við-
skiptasamböndum, finnur umboðsfýrirtæki og svo má áfram
telja. Mitt starf felst í því í sem stystu máli, að aðstoða íslensk
og þýsk iýrirtæki við að komast í sambönd við fyrirtæki í við-
skiptalandinu og til þess má auðvitað beita ýmsum ráðum,
bæði með því að miðla samböndum beint, en líka með því að
halda ráðstefnur og fundi, stuðla að heimsóknum og nú síðast
skipulagði ÞIV heimsókn Arna M. Mathiesens sjávarútvegs-
ráðherra til Bremen og Bremerhaven í febrúar, til þess m.a. að
styrkja enn frekar böndin sem þangað liggja.“ S9
83