Frjáls verslun - 01.02.2003, Blaðsíða 43

BÓKIN „flNYONE CflN DO IT“
næstu tveimur árum bættust 50 staðir við. Núna eru þeir
orðnir um 100.
Vinnan á bak við árangurinn Það er vinnan að baki þessu
ferli, sem þau systkinin segja frá í bókinni. Boðskapur þeirra er
titill bókarinnar: ÞAÐ GETA ÞETTA ALLIR. Við nánari lestur
er þó ljóst að það þarf ýmislegt til. Frumkvöðullinn þarf að vera
tilbúinn til að leggja allt annað til hliðar, einkum og sér í lagi
daglegt líf. Hann þarf að vera reiðubúinn að hlusta á enda-
lausar úrtölur, taka á móti endalausum höfnunum um banka-
fyrirgreiðslu og til að vinna kauplaust.
Þau systkinin gera ekki mikið úr reynslu Bobbys í fjármála-
heiminum, sem hafi ekki nýsthonum sem frumkvöðull. En þótt
hann hafi ekki áður farið í gegnum frumkvöðlaferlið hlýtur
hann óneitanlega að hafa haft innsæi sem nýttist. Og hann gat
hlaupið í gamla starfið sitt, auk þess að vera á launum, alla vega
hluta tímans, þó að það komi ekki glögglega fram. Vissulega
tóku þau áhættu, en þau voru líka betur stæð en margir aðrir.
Gerið ráð fyrir óendanlegri vinnu! En hvernig sem einkahög-
um þeirra var háttað felur frumkvöðlaferlið alltaf í sér óendan-
lega vinnu, meiri en reiknað er með í byrjun. Og allt tekur
lengri tíma en reiknað var með. Auk þess að rekja sögu sína
birta þau viðskiptaáætiunina, ýmsar minnisnótur og annað,
sem tengist ferlinu. Bókin er því ekki bara almennar ráðlegg-
ingar. Tilurðarsagan er rakin svo nákvæmlega að þeir sem eru
í frumkvöðlahugleiðingum fá hér góða punkta til að styðjast við
og þeir sem hafa áhuga á fræðilegri innsýn fá ítarlega lesningu.
Þau bera líka til baka ýmsar goðsagnir um frumkvöðla. Þau
hnykkja rækilega á að frumkvöðull er ekki sama og uppfinn-
ingamaður. Það eru margir frumkvöðlar en aðeins örfáir upp-
finningamenn. Frumkvöðullinn kemur ekki endilega með
nýja hugmynd. Það getur einmitt oft verið til bóta að taka
eitthvað sem aðrir hafa reynt eða sem einhver reynsla er
komin á. í þeirra tilfelli tóku þau þrælreynda hugmynd frá
New York og yfirfærðu hana á London. Þau voru ekki einu
sinni fyrst. Önnur keðja, byggð á nákvæmlega sömu hug-
myndum, opnaði á undan þeim og óx hraðar. Sú keðja hefur
síðan orðið Starbucks að bráð.
Lífssaga fyrirtækís eins og mannsævi Eins og þau benda á
er lífssaga fyrirtækis ekki ósvipuð mannsævinni, en í sam-
þjappaðri útgáfu. Það er getnaðurinn, meðgöngutíminn, fæð-
ingin, bernskuárin og fullorðinsárin. Dauðann nefna þau
Toastie +
Tall Coffee
COFFEE'
8EPUBUC
REPU81IC
f CAPPUCCINO. EATIE.
' AMtRICANOOKHlTtR
your daily cup
í nóvember 1995 var fyrsti kaffibarinn þeirra opnaður. í
lok 1998 voru staðirnir orðnir 20, á næstu tveimur árum
bættust 50 staðir við. Núna eru þeir orðnir um 100.
reyndar ekki. Þau áttuðu sig á því að það þarf aðra hæfileika
en þá sem frumkvöðlar hafa til að reka fyrirtæki eftir að
bernskuskeiði þess lýkur.
Þeim var létt þegar þau gátu loksins farið að ráða fólk í rekst-
urinn með sér og flutt skrifstofuna af heimilinu og út í bæ. Þau
náðu í gott lið sem var samhent í að efla vöxt afkvæmisins og
aliir gengu í öll störf. En þegar að þvi kom að enn þurfti að fjölga
og þeir nýju voru ekki bara áhugasamir og reynslulitlir heldur
fólk sem var vant að reka stórar einingar, hætti upphaflega
kjarnaliðið. Það kostaði ófá tár. Undir nýrri stjórn þandist
keðjan enn út og þá þurfti stærra húsnæði, enn fleira fólk, með
reynslu í að reka stórfyrirtæki. Þar með var reksturinn hættur
að lúta fyrri lögmálum. Ekkert svigrúm fyrir sveigjanleika og til-
raunastarfsemi, heldur bara fyrir beinhart skipulag og
nákvæmni. Þá hættu þau. Daginn eftir flaug Sahar til New York.
„Ég vildi að ég gæti verið sá sem ég var...“ Fyrir þá sem
hafa áhuga á að læra af öðrum eða bara að fræðast um frum-
kvöðlaferlið þá er „Anyone Can Do It“ áhugaverð og fræðandi
lesning. Það er meira en bara að segja það að koma á fót eigin
fyrirtæki og allt sem liggur að baki er skilmerkilega rakið í
bókinni. En kjarni sögunnar er sá að það sé miklu skemmti-
legra að vera á leiðinni á toppinn heldur en að vera þar. A bak
við velgengnissöguna er angurvær tónn. Eða eins og segir í
bókinni: „Ég vildi að ég gæti verið sá sem ég var þegar mig
langaði að vera sá sem ég er nú.“ 33
Kjarni sögunnar er
að það sé miklu
skemmtilegra að
vera á leiðinni á
toppinn heldur en
að vera þar.
Frumkvöðullinn þarf að vera til-
búinn til að leggja allt annað til
hliðar, einkum og sér í lagi dag-
legt líf. Hann þarf að vera reiðu-
búinn að hlusta á endalausar
úrtölur og að vinna kauplaust.
Þau segjast hafa áttað sig á því
sama og svo margir frum-
kvöðlar að það þarf aðra hæfi-
leika, en þá sem frumkvöðlar
hafa, til að reka fyrirtæki sem
komin eru af bernskuskeiði.
43