Frjáls verslun - 01.02.2003, Síða 104

Hlutur kvenna í stjórnum skráðra félaga í Kauphöllinni hefur breyst
verulega eftir aðalfundi vorsins. Þrjár konur hafa nú tekið sæti í stjórn-
um félaga sem öll eru í hópi stærstu og mest áberandi fyrirtækja landsins.
Eftir Guðrúnu Helgu Sigurðardóttur Mynd: Geir Ólafsson
Fátítt hefur verið að konur hafi setið í stjórnum félaga í
Kauphöllinni en nú hefur verið gerð nokkur bragarbót á
því. Þijár konur hafa tekið sæti í stjórnum félaga sem öll
eru í hópi stærstu fyrirtækja landsins. Inga Jóna Þórðardóttir,
viðskiptafræðingur og fv. borgarfulltrúi, hefur tekið sæti í
stjórn Eimskipafélags Islands hf., Guðný Björnsdóttir, lög-
fræðingur hjá Sjóvá-Almennum, hefur sest í stjórn Skeljungs
og Guðrún Pétursdóttir, forstöðumaður Sjávarútvegsstofnun-
ar Háskóla Islands, er í stjórn Sjóvár-Almennra trygginga hf.
Þetta er í fyrsta sinn sem kona er í stjórn Eimskips og sömu-
leiðis Skeljungs en áður hefur Guðný Halldórsdóttir setið í
stjórn Sjóvár-Almennra.
Droparnir hola Steininn Sjaldan hefur verið leitað tíl kvenna
um setu í stjórn fyrirtækja í Kauphöll Islands. Inga Jóna telur að
meginskýringin sé sú að konur hafi ekki verið mjög margar í
stjórnunarstöðum í atvinnulífinu. Jafnréttísbaráttan gekk lengi
út á það að efla konur til áhrifa á vettvangi stjórnmálanna frekar
en til áhrifa í atvinnulifinu og þvi hefur ekki verið sama þróunin
þar þrátt fyrir að konur séu virkir þátttakendur í atvinnulífinu.
Eg held að það, að þær eru almennt ekki í stjórnum fyrirtækja,
endurspegli þá staðreynd að konur hafa ekki verið ráðandi í
efstu lögum atvinnulífsins, í stjórnunarstöðum fýrirtækja. Eg
held að það sé samhengi þar á milli,“ segir hún. Guðrún telur að
í þjóðfélaginu sé almenn vitundarvakning um það að jafnræði
kvenna og karla sé eðlilegur hlutur og nú sé svo komið að það
veki athygli ef konur séu ekki í stjórnum fyrirtækja. Jafnræði
verði ekki náð fyrr en það teljist svo eðlilegt að konur sitji í
stjórnum að enginn velti kynjahlutfallinu lengur fýrir sér. Hún
bendir á að í jafnréttísbaráttunni síðustu áratugi hafi megin-
athyglin beinst að launamisréttinu í samfélaginu en nú sé
kominn tími tíl breytinga í viðskiptalífinu. Þar hafi margt áhrif
og það sé ekki dropinn sem holi steininn heldur droparnir.
Verkefnið Auður í kraftí kvenna hafi t.d. vakið jákvæða athygli á
því hvað konur geta. Auðarkonur bendi á þá staðreynd að
konur hiki oft við að taka að sér aukna ábyrgð og afþakki jafn-
vel stöðuhækkanir eða annan frama þess vegna. Því verði þær
að breyta. Konur verði að vera tilbúnar til að gefa kost á sér.
Spennandi taekifðeri Bæði Guðný og Inga Jóna segjast hafa
litið svo á að um spennandi verkefni hafi verið að ræða þegar
leitað hafi verið tíl þeirra um að taka sæti í stjórn viðkomandi
fyrirtækja. Guðný kveðst hafa tekið sér stuttan umhugsunar-
tíma áður en hún hafi ákveðið að slá tíL „Þetta var ekki erfið
ákvörðun en mér fannst samt tilefni til þess að hugsa málið.
Þetta er virt og gott fyrirtæki svo að mér fannst þetta líka vera
gott tækifæri," segir hún og heldur áfram: „Einhverra hluta
vegna er stjórnarseta meira vettvangur karla en kvenna. Það má
segja að það sé arfur frá liðnum tíma sem er smátt og smátt að
breytast."
Inga Jóna segir að Eimskip sé stórt og öflugt fyrirtæki sem
hafi verið að ganga í gegnum miklar breytingar á liðnum árum
og sér hafi þótt skemmtilegt að fá tækifæri til að takast á við nýja
tíma í atvinnulifi landsmanna. Stjórnarseta í fyrirtæki felst í því
að hafa glögga yfirsýn yfir stöðu þess, tækifæri og ógnanir.
Guðrún bendir á að samkvæmt lögum fylgi stjórnarsetu mikil
ábyrgð. „Þetta er ekki bara að forminu til. Ef á reynir þá bera
stjórnarmenn ábyrgð," segir hún.
- Geta óbreyttir stjómarmenn haft einhver áhrif? „Stjórnar-
menn hafa áhrif á umræðuna og tóninn í henni. Þó að einn
stjórnarmaður breyti ekki kúrsinum án stuðnings hinna þá
hefur öll umræða áhrif. Menn benda á það sem þeim finnst
mega betur fara eða koma með nýja sýn sem getur vakið aðra
104