Frjáls verslun - 01.09.2003, Qupperneq 40

Sturla Böðvarsson samgönguráðherra afhendir Jóni Jónssyni
viðurkenninguna Ferðafrömuður Heims árið 2003.
sem mest að segja fyrir samfélagið, haft sem mest margfeldis-
áhrif og jákvæð áhrif á allt atvinnulíf og mannlíf. Þessu verk-
efni hefur fylgt mikil bjartsýni og íjör, enda hafa viðtökur
verið framar okkar björtustu vonum. Nú erum við að vinna að
öðru verkefni sem felst meðal annars í að efla ímynd og sjálfs-
mynd sauðijárbænda. Þetta gerum við líka með skemmtilegri
sögusýningu um sauðfjárbúskap sem höfðar til nútímafólks.
Þetta verkefni, eins og flest önnur á svæðinu, er sjálfsprottið
grasrótarverkefni þar sem saman kemur fólk sem hefur
áhuga á að koma þessum hlutum á frarnfæri."

Teygjanlegur tími Jón segir að búsetan á Ströndum gefi sér
gott færi á því að fá yfirsýn sem hann segir oft skorta í hraða
nútímans og þá ekki síst í borgum. „Maður hefur mun betri
möguleika á að forgangsraða hlutunum og sér hvað er mikil-
vægt og hverju má að skaðlausu henda burt og hvað má
bíða,“ segir hann. „Það má segja að ástæðan fyrir því hvað
maður kemur miklu meira í verk úti á landi sé einmitt þessi.
Hvað varðar verkefnin sem ég hef stað-
ið að og átt þátt í, er það líka auðvitað
svo að ég stend alls ekki einn í þessu,
heldur er ég að vinna með fjölda fólks
sem er uppfullt af áhuga og orku.
Tíminn er einhvern veginn teygjanlegri
norður á Ströndum og pláss fýrir meira.
Umhverfið er jákvætt og það er auðvelt
að virkja fólk til góðra hluta. Það eru
þeir galdrar sem ég kann best.“
Jón bætir því við að alltaf sé mikið
um að vera á Ströndum, mannlífið sé
skrautlegt og skemmtilegt og mikill
kraftur í fólki. Arshátíðir, skemmtanir,
leiksýningar, kórastarf og fleira er í
gangi allan ársins hring og viðheldur
skapandi og góðu félagslífi. „I fámennu
byggðalagi þarf maður nefnilega að vera skapandi og getur
ekki bara verið neytandi í menningarlífinu,“ segir hann.
Viðurkenning fyrir alla Þessi fyrsta útnefning Heims á ferða-
frömuði ársins byggir á því að valinn sé einstaklingur úr gras-
rótinni, einstaklingur sem sýnt hafi frumkvæði og staðið að
uppbyggingu af eigin rammleik. I niðurstöðum dómnefndar
segir að Jón sé málsvari greinarinnar og tals-
maður sem hafi starfað á hvetjandi hátt innan
síns svæðis en hafi einnig látið gott af sér leiða
fýrir uppbyggingu ferðaþjónustu innanlands í
heild sinni. Að auki hafi hann í starfi sínu hugað
vandlega að umhverfisvernd og viðhaldi menn-
ingararfleifðar. Jón vill ekki gera of mikið úr
eigin þætti en því er þó ekki að neita að senni-
lega hefði orðið eitthvað lengra í framkvæmdir
ef hans hefði ekki notið við. „Mér finnst óskap-
lega gaman að fá þessa viðurkenningu," segir
hann. Þetta er ekki bara viðurkenning fýrir mig
heldur einnig fýrir svæðið og það sem hefur
verið að gerast í ferðaþjónustunni norður á
Ströndum. Þetta hefur allt gengið ótrúlega
snurðulaust fyrir sig og hvorki ærsladraugar né
aðrir draugar þvælst fýrir okkur." SH
t
Eg er ættaður af
Ströndum og við
þekktum vel til á
Hólmavík þar sem við
vissum að væri gott
umhverfi og góður
skóli sem skiptir
miklu. Það er líka
mikilvægt að börnin
alist upp við að hver
einstaklingur fái að
njóta sín og skipti máli
í samfélaginu.
40