Morgunn - 01.01.1978, Page 50

48
MORGUNN
Þeir röbbuðu við mig en erfiðlega gekk mér að muna sam-
tölin þegar ég vaknaði í veikum skrokknmu.
Þessir framliðnu læknar höfðu meðferðis geislatæki og þeir
töluðu um að hella úr tækinu yfir mig. Mér varð hugsað til
þess, að nú eru alls konar geislar mikið notaðir við lækningar
og þeir eru jafnvel notaðir í stað hnífsins til að fjarlægja og
eyða meinum líkamans. Geta framliðnir læknar einnig gert
þetta? hugsaði ég.
Geislatækni hinna framliðnu lækna vakti athygli mína og
ég minnlist nú þess, að á lækningafundinum fékk ég þau fyr-
irmæli að setja kristalsskál með vatni í svefnherbergið er ég
gengi til náða. Það gerir geislana sterkari, var sagt.
Nú er frá því að segja, að ég er manna ónæmastur á dulræn
fyrirbrigði og varð ég læknanna ekki var á daginn. Það var
aðeins í svefni að ég komst í samband við þá og fólk hafði
orð á þvi, að ég væri farinn að tala upp úr svefni, en það
hafði ég ekki gert. Mig fýsti nú að vita hvort hinir fram-
liðnu læknar gætu ekki notað geislatækið jafnt á degi sem
nóttu. Og mér varð þá hugsað til roskinnar konu, er öðru
hverju kom á heimilið, en hún var talin skyggn. Ég bað hana
eitt sinn að kíkja fyrir mig og vita hvort hún sæi nokkuð
óvenjulegt. Við settumst nokkur inn í kyrrlátt herbergi og
konan fór að kíkja. Hún sá læknana og þeir voru þarna með
geislatæki. Nokkrum dögum síðar fór ég að hugsa um kristals-
skálina með vatninu. Ef þetta voru venjulegir geislar hlyti
hegðun geislanna að breytast ef kristalsskálin með vatninu
væri sett í braut þeirra. Það er hrein eðlisfræði.
Dag einn bað ég skyggnu konuna um að kíkja og geng-
um við þá nokkur saman inn i herbergið. Konan sá læknana
sem fyrr með geislana. Ég tók upp kristalsskálina með vatn-
inu og þá beindu hinir framliðnu læknar geislunum í gegn-
um skálina. Þá brá svo við að fleiri en skyggna konan sáu
geislana koma frá kristalsskálinni og þetta fólk sá þá endur-
kastast af vegg herbergisins.
Ég setti nú skáiina að vanga viðstaddra og fundu þeir allir
áhrif geislanna. Hér var ekki um það að villast að geisla-