Morgunn - 01.12.1979, Page 48

126
MORGUNN
1 september voru haldnir tveir aukafundir á Hallveigar-
stöðum. Það voru fundir þar sem lækningamiðillinn David
Lapato frá Suður-Afríku sýndi aðferðir sínar, en hann kom
hingað til lands á vegum félags okkar. Hann hafði einnig
einkafundi vikuna 18/9 til 22/9 í húsakynnum félagsins í
Garðastræti.
Fyrsti reglulegi vetrarfundur félagsins var haldinn 16. októ-
ber og flutti forseti félagsins 'þar erindi: Er dýrlegt áS deyja?
Allir fóru þessir fundir fram með því sniði sem við höfum
smám saman skapað okkur, nefnilega að í upphafi fundar er
flutt erindi; síðan er kaffihlé, en að því loknu hefjast svo al-
mennar fyrirspurnir og umræður, sem iðulega leiða til þess
að miklu fleira upplýsist en fram kemur í erindunum.
1 nóvember kom svo breski miðillinn Eileen Roberts til fé-
lagsins. Hún hélt einkafundi, nokkra hópfundi og fimm fundi
á Hallveigarstöðum dagana 20/11, 23/11, 27/11, 30/11 og
7/12. Hún flutti erindi, hafði skyggnilýsingar o. fl., og vöktu
þessir fundir mikla athygli í blöðum og tímaritum höfuðstað-
arins, svo viðtöl við Eileen birtust víða. Þá tók hún að lokum
hóp fólks með dulræna hæfileika í þjálfun. Félagið auglýsti
eftir fólki sem teldi sig hafa slíka hæfileika. Upphaflega gáfu
sig fram 24. En smám saman valdi Eileen úr þessum hópi 12
manns og sagði fyrir um áframhaldandi þjálfun þeirra.
Þessari þjálfun hefur verið haldið áfram undir stjórn Guð-
mundar Einarssonar og Þorgríms Þorgrimssonar. Þetta hefur
verið sérstaklega mikilvæg heimsókn fyrir félagið, því okkur
hefur einmitt mjög skort hæfa kennslu í þjálfun fyrir miðla-
efni framtíðarinnar. Fólk virðist almennt hafa ákaflega óskýr-
ar hugmyndir um það hvað til þess þarf að vera góður miðill.
Það segir við mig: Eruð þið virkilega ekki búnir að fá neinn
nýjan miðil? Það er svo langt siðan Hafsteinn dó! Já, það er
hálft annað ár og svo virðist sem fólk ímyndi sér, að þar hafi
kvatt okkur maður sem jafnauðvelt væri að fá annan í stað
hans og ef venjulegur skrifstofumaður kveður. Það gleymir
því, að þó Hafsteinn hafi haft meðfædda miðilshæfileika í
ríkum mæli, þá varð hann samt að gangast undir þjálfun Ein-