Morgunn - 01.12.1979, Síða 56

134
MORGUNN
komið fram áhugaverðir trans lista-sköpuðir eins og Augustin
Lesage, sem var franskur kolanámuverkamaður og hálærðir
rnyndlistamerm eins og Austin Spare og Ingo Swamm. — Á
Englandi er kona, sem heitir Coral Polge, en hún teiknar
myndir af verum sem hún telur sig sjá umhverfis þá, sem
sitja miðilsfund hjá henni.
Guðmundur Einarsson, fyrrverandi forseti félagsins, sýndi
einnig á þessum fundi nokkrar myndir, sem hún hefur gert,
en þær eru tengdar honum persónulega. Geta má þess, að til
hefur staðið að frú Coral Polge komi til íslands á vegum Sálar-
rannsóknafélags Islands.
Enski miðillinn Ivor Dames gerir einnig myndir af fram-
liðnum verum, sem koma fram á fundum hjá honum. Síðan
sýndi ég þrjár myndir, sem hann gerði þegar ég sat einkafund
hjá honum, en myndirnar eru af skyldmennum mínum.
Ég ætla að leitast við að lýsa stað, stund og athöfnum þegar
Luiz Gasparetto gerði þessar mjmdir:
Við erum stödd á aðalfundi Alþjóða Spiritistasambandsins,
sem fyrr segir.
Ég vil skjóta því hér inn, að á þeim fundi var Guðmundur
Einarsson verkfræðingur kosinn í aðalstjórn, en það þykir
mikill heiður.
Fundurinn fór fram á síðastliðnu ári, dagana 26. ágúst til
2. sept. í Grove House, sem var gamalt sveitasetur auðugs
manns, en þar er landrými mikið, vaxið stórum grasflötum,
undur fallegum hlómagörðum og skógi vaxið.
Þar er nú rekinn kennaraskóli, sem ber heitið Frobel College,
sem rekinn er á vetrum, en á sumrum eru húsakynnin leigð út
fyrir ráðstefnur alls konar.
Við biðum full eftirvæntingar, um það bil 80 manns í aðal-
fundarsal skólans, þvi okkur hefur verið sagt að Brasiliumað-
urinn Luiz Gasparetto eigi eftir að vekja undrun okkar. Dregið
hefur verið fyrir alla glugga, svo að varla kemst Ijósskíma í
gegn. Hljómlist eftir Bach er leikin með baksviðshljóm, en
fundarmenn höfðu svo hljótt um sig að heyra hefði mátt saum-
nál detta.