Morgunn - 01.12.1979, Blaðsíða 79

BÆKUR
157
ugur maður. Líf hans er fagurt, þótt ekki skorti hvers konar
mótlæti og andbyr, sem hann jafnan tekur með ró og æðru-
leysi hins sanna karlmennis. Það er einmitt látleysið sem
talar sterkast til lesandans í þessari litlu bók. Þessir ævi-
þættir eru að mörgu leyti dæmigert innlegg í lífsreynsluþátt
og baráttusögu íslenskrar alþýðu.
En að einu leyti er saga Jóns Daníelssonar skipstjóra þó
mjög frábrugðin flestum slíkum æviminningum, og það er
að því leyti, að bókin ber með sér alveg sérstaka sálræna
hæfileika sögumanns. Og þeir hafa svo stórkostleg áhrif á
líf hans og störf, að saga hans verður fyrir það frábrugðin
sögu flestra starfsbræðra hans. Hann er allt frá unga aldri
undir handleiðslu sérstakrar andlegrar veru, sem aldrei bregst
honum þegar á reynir og bjargar honum og mönnum hans
hvað eftir annað frá bráðum bana.
Mér er það fullkomlega ljóst að margir menn hafa haft
slika verndarvætti, sem hafa að ýmsu leyti gert þá að láns-
mönnum. Meðal annars er ég sannfærður um það, að til
dæmis margir skipstjórar, sem frægir hafa orðið fyrir að þvi
er virðist óskiljanlega fundvísi á fiskafla, hafa einmitt verið
slíkir menn. Þeir búa yfir nægilega miklum sálrænum hæfi-
leikum til þess að geta tekið á móti boðum frá öðrum heimi.
Hitt er annað mál að fæstir tala um það eða skrifa af jafn-
mikilli hreinskilni og Jón Danielsson. J>ess vegna eru frá-
sagnir hans svo sérstaklega athyglisverðar. Það er eins með
þessa miklu aflamenn og annað sálrænt fólk, að það telur
ekki taka því að halda sálrænum hæfileikum sínum á loft
sökum þeirrar vanþekkingar á þeim efnum sem ríkir alls
staðar í þjóðfélaginu. En þetta er nú óðum að breytast, sök-
um aukinna vísindalegra rannsókna i þessum efnum, eins og
rannsókna og kannana dr. Erlends Haraldssonar, sem þegar
eru hafnar hér á landi, eins og ég bendi á í ummælum um
bók hans Þessa heims og annars.
Jón Daníelsson var skyggn frá bernsku og náði með dular-
fullum hætti sambandi við andlega veru, sem taldi hann
hafa gert sér greiða og nefnd er Hugrún í þessari bók. En það