Morgunn - 01.06.1990, Blaðsíða 23

MORGUNN
Undarleg atburðarás
Þegar hún hafði tekið jurtalyfið í mánuð tók hún eftir því
að psoriasis blettirnir voru horfnir. Þeir komu ekki aftur,
enda tók hún j urtalyfið þar til hún dó, rúmlega 11/2 ári síðar.
Nokkrir fleiri telja sig hafa haft gagn af því við psoriasis og
ég tel að það bæti, að minnsta kosti sumum, en það læknar
mjög fáa algerlega. Best hefur reynst að nota það með
hákarlalýsi.
I september 1989 hafði kona samband við mig og bað mig
að láta sig fá jurtalyfið sem ég væri að búa til. Hún þjáðist
af svokallaðri „sjúkrahúsbakteríu," sem hún hafði fengið
fyrir meira en ári á spítala hér í borg. Hún var illa haldin og
gat lítið sem ekkert unnið, enda var bakterían komin í lifrina
á henni, að eigin sögn, og engin lyf dygðu til að losna við
hana.
Konan sótti fast að fá jurtalyfið og sagðist vera sannfærð
um að hún mundi læknast af því. (Seinna komst ég að því
að þessi kona er með dulræna hæfileika og veit oft ýmislegt
sem öðrum er hulið).
Ég átti þá lítið af jurtum í lyfið en fyrir þrábeiðni konunnar
lét ég tilleiðast að láta hana fá það til reynslu.
Þegar hún hafði drukkið það í tvær vikur fór hún í rann-
sókn. Engin sjúkrahúsbaktería fannst og hún var útskurð-
uð albata.
Sumarið 1989 kom til mín kunningi minn, þá nýkominn
frá útlöndum. Hann leit svo illa út að mér brá þegar ég sá
hann. Ég spurði hann hvort hann væri veikur og sagði hann
mér þá að hann væri búinn að vera lasinn í nokkurn tíma
og nú væri hann orðinn veikur, en það versta væri það, að
hann þyrfti nauðsynlega að fara til Svíþjóðar í viðskiptaer-
indum eftir tvo daga, en treysti sér engan veginn, eins og
heilsu hans væri komið.
Nú voru góð ráð dýr. Ég var þá fyrir nokkru byrjaður að
prófa jurtaseyðið á krabbameinssjúklingum, en lítið sem
ekkert við öðrum sjúkdómum. Ég ákvað þó að gefa honum
eina flösku til reynslu.
Hann drakk úr flöskunni og hresstist næstum því sam-
stundis. Hann fór til Svíþjóðar tveim dögum síðar og hafði
þá fengið aðra flösku, sem hann tók með sér.
21