Morgunn - 01.06.1990, Blaðsíða 45

MORGUNN
Dulræn skynjun dýra
spennt þegar það heyrði um þessar tilraunir, því það var
ekki annað að sjá en að franska rannsóknafólkið hefði
uppgötvað örugga aðferð til þess að rannsaka dulskynjun
hjá dýrum. Mjög auðvelt var að framkvæmda tilraunina.
Hægt var líka að hafa hana algjörlega sjálfvirka. Kassann
og rafalinn var hægt að tengja við sérstakt tæki sem gat
skráð niður hvar mýsnar voru staddar þegar rafstuð var
gefið, hvorri hlið kassans var gefið rafstuð hverju sinni, og
svo framvegis. Allt sem sá er að tilraununum stóð þurfti að
gera var að koma tilrauninni af stað og láta síðan útbúnað-
inn um að vinna hana. Hann gat síðan sjálfur einfaldlega
snúið sér að öðru verkefni eða notið góðrar máltíðar á
meðan.
Sjálft verkefnið að endurtaka frönsku nagdýrarannsókn-
ina kom í hlut W.J. Levy, ungs læknis sem alveg nýlega hafði
gengið til liðs við starfslið stofnunarinnar. Dr. Levy gat skýrt
frá fjölmörgum samræmdum endurtekningum á frönsku
tilrauninni, en rannsóknir hans voru dregnar í efa árið 1974,
þegar upp komst að hann hafði falsað sumar síðari rann-
sóknir sínar. Svo sú spurning stendur enn eftir hvort starf
Frakkanna var raunverulega staðfest á Rhine's rannsókna-
stofunni.
En starf Levys veitti samt sem áður dulsálarfræðinni veru-
legan arf. Árangur fyrri starfa hans ýtti við öðrum dulsálar-
fræðingum bæði í Bandaríkjunum og Evrópu, svo þeir hófu
sínar eigin tilraunir með litluni nagdýrum.
Rannsóknamenn í Evrópu voru sérstaklega hrifnir af upp-
haflegu starfi Duval og Montredon og áætluðum og meint-
um endurtekningum Dr. Levys á þeim. En þeir höfðu samt
sem áður tilhneigingu til þess að ýta þeim til hliðar vegna
þeirrar staðreyndar að dýrunum varð að refsa með raf-
magnsstuði ef þau sýndu ekki dulræna hæfileika sína. Ár-
angurinn varð sá að fjölmargir rannsóknamenn byrjuðu að
hanna dulskynjunarpróf á nagdýrum, þar sem þeim var
umbunað ef þau náðu árangri. Þetta veitti þeim færi á að
framkvæma tilraunir sínar með hreinni samvisku. Þetta
varð þannig líka mikið auðveldara fyrir nagdýrin.
43