Morgunn - 01.06.1990, Blaðsíða 56
Dulræn skynjun dýra
MORGUNN
karllynsafkvæmi hennar. Hundunum var komið fyrir í sitt
hvoru herberginu. Þegar einn rannsóknamannanna ógn-
aði yngri hundinum með dagblaði, þá sáu menn að móðirin
hrökklaðist skyndilega undan í hinu herberginu.
Því miður hafa fáar rannsóknir verið gerðar með hunda
síðan þetta var, þó að dr. Esser sé sannfærður um að tilraunir
hans hafi sannað að „sumir hundar hafi hæfileika til hugs-
anaflutnings." Svo það verður verkefni rannsóknamanna
framtíðarinnar að fylgja eftir þessum frumrannsóknum
sem unnar hafa verið á þessu mjög svo vænlega rannsókna-
sviði.
Leitin að sönnunum fyrir því að dýrin búi yfir æðri skynj-
un hefur verið löng fjársjóðsleit, ef svo má að orði komast
og leiðirnar verið margar. Hefur þessi leit borið einhvern
árangur í tímans rás? Þetta er sennilega einhver mikilvæg-
asta spurningin sem við ætturn að spyrja sjálf okkur. Eg tel
að þær tilraunir sem hér hefur verið sagt frá hafi, þegar á
heildina er litið, veri mjög árangursríkar. Aðrir dulsálar-
fræðingar hafa mjög mismunandi viðhorf til mikilvægis og
árangurs tilrauna varðandi æðri skynjun hjá dýrum. Dr.
Morris, sem er líklega einn fremsti skipuleggjandi slíkra
tilrauna í heiminum í dag, hefur viðurkennt að „fyrir því
séu nokkrar sannanir að skyggnigáfa sé ekki eingöngu
bundin við mannfólkið," en hann neitar alveg að ræða
nokkuð langtíma markmið tilrauna sinna. „Áður en hægt
verður að ígrunda af alvöru frekari getgátur um þróun
skyggnigáfu og vistfræðilegt mikilvægi hennar," skrifaði
hann árið 1977, „þá þörfnumst við miklu meiri upplýsinga
um fleiri tegundir." Og hann bendir einnig á að þó að það
liti vissulega út fyrir að dýrin búi yfir æðri skynjun, þá vitum
víð í rauninni ekkert ennþá um hvernig, hvers vegna eða af
hverju þessi hæfileiki er til staðar. Og minnst vitum við um
það atriði við hvaða aðstæður dýrin geta best notað dul-
ræna krafta sína. Þó eru ekki allir dulsálarfræðingar, þeir
sem sinnt hafa þessari grein, sammála dr. Morris. Dr. John
Randall, enskur líffræðingur og frumkvöðull þar í landi
hvað varðar rannsóknir á æðri skynj un dýra, er öllu hrifnari
af fyrirliggjandi sönnunum. Hann skorast heldur ekki und-
54