Viðar - 01.01.1939, Blaðsíða 52

46
HVAÐ MÁ GJÖRA.... ?
[Viðar
léreftsrýju, sem vafið er á viðartein, ef ekki eru betri tæki
fyrir hendi. Ætíð er rétt að geyma í krukku sýnishorn af
því, er hinn sjúki hefur kastað upp, til þess að hægt sé að
sýna það lækni. Ennfremur er rétt að halda til haga sýnis-
hornum af hægðum og þvagi til þess að læknir geti athugað
það, og sama gildir um uppgang frá brjósti.
Þá skal farið nokkrum orðum um fæði sjúklinganna.
Það er talið mjög nauðsynlegt, að dagleg fæða okkar sé
tilbreytingarrík og rétt samsett, innihaldi nægilega mikið
af fjörefnum eða vitaminum og gefi nauðsynlegan hita-
einingafjölda til orkuframleiðslu. Vitanlega eru þetta einn-
ig nauðsynlegar kröfur, þegar sjúklingar eiga í hlut, en
aðalatriðið við sjúkrafæðið er fyrst og fremst, að sjúk-
lingurinn fái ekkert að borða, sem er honum skaðsamlegt
eins og á stendur í hverju einstöku tilfelli.
Það er vitanlega hlutverk læknisins að ákveða, hvað
hinn sjúki megi borða, og hvað hann megi ekki borða, og
fer það vitanlega eftir einstaklingnum ekki síður en eftir
sjúkdómnum. Þegar um er að ræða hitasótt, er matarlystin
oft mjög léleg, og má þá ekki þvinga sjúklinginn til að
borða jafn mikið og hann er vanur, ef lystin á ekki alveg
að hverfa. Við slíka sjúkdóma ber helzt að velja létt melt-
anlegar fæðutegundir, helzt fljótandi, svo sem rjóma-
bland, þunnar súpur úr rísmjöli, barnamjöli, linsoðin egg,
uppbleytt brauð o. þ. h., en forðast feitan mat og kryddað-
an til muna. Þá er og rétt að bjóða sjúklingnum oft að
borða, en minna í einu.
Ef um er að ræða sjúkdóma í maga eða meltingarfærum,
er mataræðið oft aðalatriðið. Þá ber jafnan að forðast
mat, sem er tormeltur. Tormeltur matur er t. d. kál, baunir,
rófur, laukur, hráir ávextir og allt grófgjört grænmeti, rúg-
brauð, nýbakað brauð, feitur matur, sætar kökur, reyktur
og saltaður matur, steiktur matur, kaffi og áfengir drykkir.
Margir þola illa mjólk, en rjómabland þolist jafnan vel.
Venjulega verður magaveikum gott af mat svo sem: eggjum
og eggjaréttum, mögrum fiski, smjöri, rjóma, kexi og rist-