Viðar - 01.01.1939, Blaðsíða 70
64
Á ERLENDUM SLÓÐUM
[Viðar
nemendur. Oft voru þeir innan við tuttugu. Hann streittist
við í 30 ár, en varð svo þingmaður og bjargaði sér upp í
amtmannsembætti.
Kristófer Bruun, einn brautryðjandinn, hélt skóla í 26
ár, en gafst þá upp og gjörðist prestur. Hann fékk ekki
nemendur síðast.
Um Kristófer Bruun hefur sr. Magnús Helgason skrifað
bezt á íslenzku, og finnst sá fyrirlestur í bókinni Kvöld-
ræður í Kennaraskólanum, 54—57. bls. Skal ég því ekkert
um hana segja hér.
Nú eru 29 lýðháskólar í Noregi og kjör þeirra munu vera
góð. Nú borgar ríkissjóður kennurunum, og nú er það
viðurkennt af almenningi, að þeir hafa unnið landi og
þjóð mikið gagn.
Á þessu ári eru 100 ár liðin, frá því að Hermann Anker
fæddist og 75 ár í haust, frá því að hann hóf skóla sinn í
Sögutúni. Vegna þessa stofnaði lýðháskólafélagið norska
til hátíðar frá 14.—20. júlí í sumar, (15. júlí er fæðingar-
dagur Ankers. Var boðið til þessarar hátíðar lýháskóla-
kennurum frá öðrum löndum. Ég var staddur í Danmörku
og var beðinn af stjórn héraðsskólakennarasambandsins
að mæta fyrir íslands hönd, og fór ég þangað.
Var hátíð þessi hafin að lýðháskóla í Austurdal í Noregi,
á stað, sem heitir Elverum. Er það yngsti lýðháskóli Norð-
manna, stofnaður 1928. Hann er því jafngamall Laugar-
vatnsskólanum. Er hann jafnframt stærsti lýðháskóli
þeirra. Er hann prýðilega útbúinn að öllu, sem ekki er að
kynja, því að hann er byggður af gjafasjóði, er nam upp-
haflega einni milljón króna.
Stórbóndi einn, Helgi Værmgsaasen, gaf þann sjóð til
minningar um son sinn. Hefur skólahús og áhöld kostað
578 þúsundir norskra króna.
Stendur skólinn í skógarrjóðri við smávatn. Er fagurt
þar, en ekki er víðsýni mikið vegna skóga.
Á föstudaginn þ. 14. báru gestir fram kveðjur sínar.
Á laugardaginn voru umræður og fyrirlestur.