Viðar - 01.01.1939, Blaðsíða 141
Viðar]
FRANZ SCHUBERT
135
dregið upp í frostrósunum á rúðunum. í þeim listaverkum
sá hann á vetrarferð sinni útsprungnar rósir, þótt þær
væru freðnar, líkt og tárin, sem hrundu af hvörmum hans.
Linditréð, sem birtist hér að framan á nótum í útsetn-
ingu fyrir karlmannaraddir, er fimmta lagið í Vetrarferð-
inni. Með píanóundirleik Schuberts, þar sem lifandi anda
er blásið í efnið og allt gjört sem áhrifaríkast, bætt við
ýmsu, sem ekki kemur fram í ljóðinu — kveðjuandvarpinu
o. s. frv., — er þetta lag talinn einhver fegursti gimsteinn-
inn í fullkomnasta lagaflokki þessa mesta meistara á sviði
einsöngslaga með undirleik.
Einn allra ljósasti vottur um hugkvæmni Schuberts og
snilld í sönglagagjörð er álitinn sá, hvílíkri geysilegri fjöl-
breytni hann hefur komið við í þessum 24 lögum, þótt þau
séu öll við saknaðarljóð. Fjölhæfni Schuberts og skapandi
gáfur koma að líkum hvergi greinilegar í ljós í tónlist hans
en í Vetraríerðinni.
Margir af kunnáttumestu og frægustu ljóðsöngvurum
(konsertsöngvurum) hafa æft verk þetta allt og sungið
það í heild á hljómleikum. Mun flutningur Vetrarferðar-
innar standa yfir hátt á aðra klukkustund.
Einhverjar hugljúfustu minningar mínar frá hljóm-
listarsölunum ytra eru þær, er ég hlýddi á þýzka barítón-
söngvarann Friðrik Brodersen, konsert- og óperusöngvara
við söngleikhúsið í Múnchen, flytja Vetrarferð Schuberts
í heild á hljómleikum í Dresden með undirleik Lindi, dóttur
sinnar, þá 17 ára gamallar stúlku.
Þar voru guðaveigar bornar að áheyrendum í hreinum
kaleik líkt og Andersen, danska æfintýraskáldið, komst að
orði um tónflutning Jenny Lind.
Tónlist Schuberts hlaut þar túlkun, sem var henni sam-
boðin að innileik og fullkominni listfágun.
Flest eða öll sönglögin úr Vetrarferðinni geta einnig
sungizt sem sjálfstæð heild, og eru þau oft flutt þannig á
hinum miklu hljómlistarsviðum erlendis. — Sum af þess-