Morgunblaðið - 06.09.2009, Blaðsíða 7
7
MORGUNBLAÐIÐ SUNNUDAGUR 6. SEPTEMBER 2009
Facebook, Fésbók eðaSnjáldurskinna á íslensku,er að missa áhangendur.Þeir sem áður fóru reglu-
lega inn á síðuna sína og fylgdust
með lífi allra vina sinna eru sumir
búnir að fá nóg. Einn hættir af því
að honum mislíkar eigin forvitni,
annar af því að honum þótti sem
Fésbókar-skrif einkenndust af ör-
væntingu, sá þriðji af ótta við elti-
hrelli, sá fjórði þar sem honum þótti
gengið of nærri persónuvernd og sá
fimmti dró sig í hlé án nokkurra
skýringa.
Blaðamaður New York Times,
Virginina Heffernan, rekur Fés-
bókarflóttann á þennan hátt í grein
í blaðinu um liðna helgi. Hún bendir
á, að flóttinn sé vart merkjanlegur
þegar litið sé á notendatölur Fés-
bókarinnar; í Bandaríkjunum einum
hafi 87,7 milljónir manna skoðað
Fésbókar-síður í júlímánuði. En á
meðan enn bætist margir í hópinn
sé lítill en eftirtektarverður hópur
að flýja og sumir með hvelli.
Fésbók eins og N-Kórea
Í greininni rekur einn viðmælandi
hvernig hann hafi snúist frá því að
vera Fésbókaraðdáandi í að berjast
gegn henni. Móðir hans hafi talið
Fésbók ígildi hins vonda og sjálfur
sé hann kominn á sömu skoðun.
Hann kveðst líta á Fésbók sem
ígildi kúgunarstjórnar á borð við þá
sem sitji að völdum í Norður-Kóreu.
Maður þessi fjármagnar baráttu
sína með sölu á bolum með áletr-
uninni „Lokið Fésbókinni ykkar.“
Maðurinn hefur það helst á móti
Fésbók, að upplýsingar þar séu
söluvara. „Þeim mun háðari fyr-
irbærum eins og Facebook sem við
leyfum okkur að verða – og Facebo-
ok gerir allt sem í hennar valdi
stendur til að gera okkur háð –
þeim mun meira getur Facebook
misnotað okkur. Og gerir það,“ hef-
ur New York Times eftir honum.
Aðrir viðmælendur hafa líka
fengið sig fullsadda. Kona nokkur
nefnir sem dæmi, að stjúpsonur
hennar hafi virst heltekinn af Fés-
bókinni og að sjálf hafi hún fengið
nóg af endalausum tilraunum sölu-
manna ýmiss konar til að koma sér
og varningi sínum á framfæri. Karl
sagðist hafa áttað sig á að hug-
myndir hans um „vini“ á síðunni
hafi reynst rangar. Færslur, sem
séu persónulegar, geti tvístrast og
endað í eins konar hálfopinberri
mynd.
Margir áttu bágt með að skýra
hvers vegna þeir kærðu sig ekki
lengur um Fésbók. Þeir voru bara
búnir að fá nóg, kærðu sig ekki
lengur um að fylgjast með at-
hugasemdum annars fólks, skoða
myndirnar og svara athugasemd-
um.
Leið eins og eltihrelli
Fyrir suma hefur aðskilnaðurinn
reynst erfiður. Kona nokkur segir
New York Times að hún hafi hætt
vegna þess að Fésbókin hafi verið
svo mikill tímaþjófur. Hún hafi
heldur ekki náð góðu sambandi við
Fésbókarvinina, því hún hafi sjaldn-
ast haft beint samband við þá. Þess
í stað hafi henni liðið eins og elti-
hrelli, sem fylgist með síðum vin-
anna daglega, án þess að gefa sig
fram.
Það sem gerði hins vegar útslagið
í hennar tilviki var að henni fannst
Fésbókin hrella sig. Dag einn, á
annarri vefsíðu, var henni boðið að
gefa bíómynd einkunn, sem hún og
gerði. Þegar hún fór næst inn á
Fésbók biðu hennar skilaboð um
þessa einkunnagjöf á hinni síðunni.
„Ég kunni ekki að meta að það væri
fylgst svona nákvæmlega með
mér,“ sagði konan. Og hætti.
Allir fundnir
Annar viðmælandi New York
Times, sem stundar Fésbókina
reglulega, kveðst hafa tekið eftir
flóttanum. Hann segir Fésbókina
góða til að finna annað fólk, en nú
sé nýjabrumið farið af og allir séu
fundnir. Fésbókin hafi þegar virkað
„dauð“ fyrir nokkrum mánuðum.
Virginia Heffernan lýkur grein
sinni með vangaveltum um hvort
Fésbókin sé dæmd til að verða einn
góðan veðurdag eins konar drauga-
bær á netinu, uppfull af síðum not-
enda, sem ekki uppfæri þær lengur,
auk samansafns af markaðs-
mönnum, sem kroppa í líkin af þeim
þjóðfélagshópum, sem þeir höfðu
vonast til að geta hagnýtt sér.
„Sorglegt, ef satt er. En kannski
forlögin, eins og dauði framhalds-
skólaklíku.“ rsv@mbl.is
Flóttinn frá Fésbókinni
Morgunblaðið/Árni Sæberg
Facebook Er Fésbókin frábær eða verkfæri hins illa?
Álfheimar 74
Sími: 414 4000
hreyfing@hreyfing.is
www.hreyfing.is
HAUST
TILBOÐ 20
0
9
Öllum aðildarleiðum fylgir
glæsilegur kaupauki
til 20. september.
Verð frá 4.800 kr. á mánuði.
∑ Frí tækjakennsla og brennsluæfingakerfi (stig I, II og III)
sem skilar öruggum árangri.
∑ 20% afsláttur af íþróttaskóm og þolfimifatnaði hjá Útilíf.
∑ Nöfn allra sem ganga í aðild fyrir 20. september
fara í pott sem dregið verður úr. Einn heppinn vinnur
40.000 kr. gjafakort í versluninni Útilíf.
KAUPAUKI ME LÚXUSAILD
∑ Lúxusgjöf frá Blue Lagoon og 10 skipta heilsudrykkjakort.
Verðmæti 34.900 kr.
KAUPAUKI ME BETRI AILD
∑ Einn frímánuður. Blue Lagoon vörugjöf og vönduð íþróttataska.
Verðmæti 18.700 kr.
KAUPAUKI ME GRUNNAILD
∑ 2 boðsmiðar í Bláa Lónið.
Verðmæti 4.410 kr.
Kynntu þér þjónustu og aðstöðu Hreyfingar á www.hreyfing.is
eða kíktu í heimsókn til okkar í Álfheima 74.
Fréttir í
tölvupósti