Morgunblaðið - 06.09.2009, Blaðsíða 19

MORGUNBLAÐIÐ SUNNUDAGUR 6. SEPTEMBER 2009
öðruvísi því þá hafði ég styttri tíma
til að læra textann. Stundum mundi
ég ekki alveg allt og þá þurftum við
að stoppa og byrja upp á nýtt.“
Hún viðurkennir að slíkt geti tekið
á taugarnar. „Maður verður dálítið
stressaður og vonar að maður segi
ekki eitthvað vitlaust. En annars er
þetta bara gaman.“
Hárið síkkað í snatri
Þótt Kata sé enn aðeins tíu ára
hefur hún fundið á eigin skinni
hversu snúið það er að uppfylla út-
litskröfur leikarabransans. Áður en
hún lék í sjónvarpsþáttunum var hún
með ljóst hár niður á bak en þurfti að
klippa það stutt þar sem persónan
sem hún lék á að vera nýstigin upp
úr erfiðum veikindum. „Þegar ég lék
í bíómyndinni Magtens fyrster þurfti
að klippa enn meira en í drauga-
myndinni á ég svo að hafa alveg sítt
hár. Þannig að þetta getur verið dá-
lítið erfitt,“ segir hún hlæjandi og á
síður von á að haddurinn spretti svo
rækilega að það dugi fyrir næstu
tökur. „Ég held ekki að ég fái hár-
kollu ef ég verð ekki komin með
nógu sítt hár, heldur svona hárleng-
ingar. Sennilega á ég líka að vera
með svart hár svo þá þarf að lita
það.“ Henni finnst þessar umbreyt-
ingar ekki mikið mál. „Eiginlega er
mér alveg sama. Það er bara
skemmtilegt að sjá mig svona öðru-
vísi.“
Enn hefur Katrín ekki fundið að
fullu fyrir athyglinni sem fylgir því
að leika í sjónvarpi og kvikmyndum
því eftir er að frumsýna þá þætti og
myndir sem hún hefur leikið í. Hún
gefur svosem lítið fyrir frægðina en
viðurkennir að það verði gaman að
sjá afraksturinn á skjánum. „Ég er
rosa spennt að sjá þetta,“ segir hún
með áherslu.
Eldgos á morgun
Þegar Katrín er ekki upptekin við
að leika í kvikmyndum og sjónvarpi
hegðar hún sér á flestan hátt eins og
aðrar tíu ára stelpur. „Mér finnst
gaman að spila fótbolta, bæði með
frænda mínum og svo er ég í fót-
boltaliði. Og svo er ég mest að leika
með vinkonum mínum.“
Fjölskyldan á Íslandi var hins
vegar í forgrunni í heimsókn Kötu í
sumar, enda hefur hún ekki komið til
landsins síðan hún flutti út fyrir
fimm árum. „Mér finnst rosalega
gaman að vera komin aftur því ég
hef saknað ömmu minnar og allra
frændanna og frænknanna. Það er
líka langt síðan ég hef smakkað allan
matinn á Íslandi sem er rosalega
góður. Við erum búin að vera í sundi
og húsdýragarðinum. Svo er líka
gaman að sjá fjöllin því það er svo
langt síðan ég hef séð fjall.“
Henni finnst því ekki dónalegt að
vera stödd undir einu frægasta eld-
fjalli á Norðurlöndum, en blaða-
manni bregður óneitanlega þegar
Kata staðhæfir að hún ætli að „fara
að sjá eldgos á morgun“. Við nánari
eftirgrennslan kemur í ljós að heim-
sókn á Gullfoss og Geysi er á döfinni,
og Kata hlær dátt þegar hún áttar
sig á eigin orðarugli.
Áður en hún kveður verður þó
ekki hjá því komist að spyrja hvort
hún stefni á að verða leikkona þegar
hún verði stór? „Ég veit það ekki al-
veg,“ svarar hún með semingi, svo
hún er spurð hvort eitthvað annað
heilli frekar, „Jú, ég vildi alveg verða
fótboltastjarna,“ er svarið, stutt og
laggott.
‘‘ÞEGAR ÉG LÉK Í BÍÓMYNDINNIMAGTENS FYRSTERÞURFTI AÐ KLIPPA
ENN MEIRA EN Í
DRAUGAMYNDINNI Á
ÉG SVO AÐ HAFA ALVEG
SÍTT HÁR. ÞANNIG
AÐ ÞETTA GETUR VERIÐ
DÁLÍTIÐ ERFITT. ’
Það er gamall draumur
minn að gera uppvakn-
ingamynd. Ef hún kemst
á koppinn mun hún
staðfesta enn frekar
ímynd okkar erlendis.
Rithöfundurinn Sjón,
handritshöfundur mynd-
arinnar Reykjavik Whale Watching
Massacre.
Bóhemlífið verður að bíða betri tíma.
Thelma Ólafsdóttir hætti við listnám og fór
að stunda kraftlyftingar.
Þetta er að líkindum karlmaður, en hann
hendir tusku eða einhverju slíku inn og
beygir sig síðan niður og hellir einhverju
inn um lúguna.
Gunnar Jósefsson, eigandi Laugarásvídeós,
en kveikt var í fyrirtæki hans um síðustu
helgi. Sá brotlegi náðist á myndband.
Engin lausn á þessum vanda er góð
nema neytendur komi sjálfir að henni.
Gísli Tryggvason, talsmaður neytenda, um
lausn á vanda heimilanna.
Síðustu árin hefur framtaksleysi okkar
því miður valdið töfum á frágangi bús-
ins.
Páll Arnór Pálsson, skiptastjóri í þrotabúi
Einars Guðfinnssonar hf. Fyrirtækið var
tekið til gjaldþrotaskipta vorið 1993.
Við eigum ekkert val og verðum að velta
breytingum á vörugjöldum beint út í
verðlagið.
Valdimar Hafsteinsson, framkvæmdastjóri
Kjöríss.
Þetta er mjög áhugavert og ég sé ekkert
annað en jákvætt við þetta en ég er
voðalega hræddur um að við fáum eng-
an gullaldartexta.
Þorbjörn Broddason, prófessor í fé-
lagsfræði, um þýðingarforrit Google.
Hann sagði að það væri verið að rífa
þakið af húsinu okkar.
Húsbyggjandi, sem fékk upphringingu frá
nágranna. Ósáttur undirverktaki ætlaði að
fjarlægja þakið, sem verktaki hafði ekki
greitt honum.
Rannsóknin leiðir í ljós að þetta er alls
staðar. Þetta er ekki endilega tengt
strippstöðum þótt þetta viðgangist þar
líka.
Fríða Rós Valdimarsdóttir, mannfræðingur
og höfundur nýútkominnar skýrslu um
mansal á Íslandi.
Ég var búinn að vaka í eina tvo klukku-
tíma þegar ég gerði mér grein fyrir að
búið væri að skipta um hjarta í mér, mér
líður svo vel.
Jóhannes Kristjánsson, eftirherma og
skemmtikraftur, eftir hjartaígræðslu í
Gautaborg.
Ummæli vikunnar
Morgunblaðið/Eggert
Kröftug Thelma Ólafsdóttir sneri
sér frá listinni og að lyftingum.
ENN BETRI REYKJAVÍK
Reykjavíkurborg leitar að kraftmiklum samstarfsaðilum á
sviði forvarna, lýðheilsu og fegrunar í hverfum borgarinnar
Við lýsum eftir nýstárlegum hugmyndum að verkefnum
frá einstaklingum, fyrirtækjum, félagasamtökum eða
stofnunum. Margvísleg verkefni koma til greina en þau
verða að fela í sér minnst eitt af eftirfarandi:
Frekari upplýsingar veita Regína Ásvaldsdóttir, skrifstofustjóri
borgarstjóra, í síma 411 4500, regina.asvaldsdottir@reykjavik.is og
Hans Orri Kristjánsson, verkefnisstjóri á skrifstofu borgarstjóra, í síma
411 4506, hans.orri.kristjansson@reykjavik.is
Auglýst er eftir umsóknum um styrki úr Forvarna- og
framfarasjóði Reykjavíkurborgar.
Markmið sjóðsins er að styrkja forvarnarstarf, efla
félagsauð, auka öryggi og bæta umgengni.
Forvarnir í þágu barna og ungmenna
Eflingu lýðheilsu
Aukið öryggi íbúa
Fegurri ásýnd hverfis
Markvisst samstarf íbúa, félagasamtaka, fyrirtækja
og borgarstofnana í þágu forvarna og félagsauðs
Verkefnin skulu unnin í samstarfi við þjónustumiðstöðvar í hverfum
og/eða fagsvið borgarinnar. Upplýsingar um úthlutunarreglur og
umsóknareyðublöð er að finna á vef Reykjavíkurborgar
www.reykjavik.is/ennbetri
Sérstök áhersla verður lögð á skapandi og
uppbyggileg verkefni fyrir ungt fólk.
Umsóknarfrestur er til og með 25. september 2009.
•
•
•
•
•Umsóknum er hægt að skila á netfangið ennbetri@reykjavik.is eða
í Ráðhús Reykjavíkur merkt „Enn betri Reykjavík“.