Morgunblaðið - 06.09.2009, Blaðsíða 21

MORGUNBLAÐIÐ SUNNUDAGUR 6. SEPTEMBER 2009
Jóna Hrönn: Ég gleymi aldrei 25.
apríl 1978, þá var ég stödd í heima-
vistarskólanum að Stórutjörnum og
beið eftir símhringinu í almennings-
síma frá pabba. Það var barn á leið-
inni, foreldrar mínir voru að eiga
sitt sjötta barn komin á fimmtugs-
aldurinn. Þrátt fyrir að ég væri að
verða fjórtán ára með bullandi ung-
lingastæla þá var þetta bara til-
hlökkunarefni og ég man eftir því að
þegar ég vissi að 20 marka stelpa
væri fædd hljóp ég um skólann og
tilkynnti það af mikilli gleði, jafnvel
þótt að skólabræður mínir væru að
stynja yfir því að Bolla-stellið hefði
stækkað.
Stúlkan var skírð á fermingardeg-
inum mínum á 17. júní í yfir tuttugu
stiga hiti og það var mikil hátíð á
heimili okkar í Laufási. Fleiri skírn-
ir og fermingar hafa farið saman hjá
okkur systrunum. Daginn sem hún
var fermd var sonur minn skírður
Bolli og daginn sem sonur hennar
var skírður Haraldur Bolli var
Matthildur dóttir mín fermd.
Ofvirkur hlustandi
Uppvöxturinn gekk vel þar til hún
fór að tala, þá neitaði hún algerlega
að horfast í augu við að hún væri
langyngst en bar sig alltaf saman
við okkur sem eldri vorum. Ég man
eftir því þegar við vorum að færa
fréttir úr skólanum þá sagði hún
mikilfenglegar fréttir úr sínu námi
en var bara þriggja eða fjögurra ára
gömul. Þegar einhver ætlaði að vé-
fengja frásagnir hennar af eigin
getu varð hún bara enn ákveðnari,
svo við sátum bara og héldum niður
í okkur hlátrinum.
En svo fór Hildur Eir að hlusta,
það var ekki bara virk hlustun held-
ur ofvirk hlustun og ég sagði stund-
um við hana að ef þetta héldi áfram
yrðu eyrun á henni eins og á Júmbó
fíl; stór og lafandi. Það fór ekkert
framhjá henni sem gerðist á heim-
ilinu og hún hafði skoðanir á öllu.
Ég man eftir því að mér þótti það
nánast öfundsvert hvað pabbi gaf
sér mikinn tíma að spjalla við þenn-
an yngsta meðlim fjölskyldunnar.
Þau fóru saman í göngutúra upp í
ásinn í Laufási og hann kenndi
henni ljóð og sagði henni merkilegar
sögur. Hún varð þar af leiðandi afar
fróður krakki sem heimtaði af öllum
að mæta henni á jafningaplani. Það
var nú einfaldlega þannig að hún
vafði pabba og mömmu um fingur
sér. Pabbi gat ekki neitað henni um
neitt og hún gat dregið hann inn í
tískuvöruverslanir til að kaupa
handa sér allskyns merkjaföt sem
voru ekki á dagskrá áður fyrr. Enda
fór hún með þeim um allt í þeirra
störfum sem prestshjón, hvort sem
það voru kirkjuvígslur, menningar-
viðburði eða aðrir mannfagnaðir.
Hildur Eir var svo sannarlega vel
ræktað barn enda hefur það haft af-
gerandi áhrif á persónuleika henn-
ar.
Tilfinningagreind og þrjósk
Hún er sú manneskja sem ég hef
hvað mest gaman af að ræða við og
maður kemur aldrei að tómum kof-
unum hjá henni. Hún hefur alltaf
verið ótrúlega forvitin og næm á
fólk og aðstæður. Hún getur alltaf
hlustað og gefið góð ráð, og leyfir
mér að þusa og þrasa um allt og
ekkert.
Svo hefur hún óforbetranlegan
húmor og getur alltaf sett hlutina í
skondinn búning, enda er það svo
með okkur systkinin öll að við eigum
við hana umfram aðra í hópnum op-
in trúnaðartengsl. Það er líka vegna
þess að hún er svo innilega laus við
fordóma og dæmir okkur aldrei. Ég
held að hún sé sú eina sem getur
strítt okkur af kærleika þannig að
við áttum okkur á eigin takmörk-
unum. Hún er frábær penni og það
er alltaf hægt að bera undir hana
það sem maður þarf að láta frá sér
og hún er óhrædd að hafa skoðanir á
hlutunum og oft full af hugrekki.
Það er svo gott að geta bæði grátið
og hlegið með henni enda er tilfinn-
ingargreind hennar einstök. Þrjósk-
an hefur fylgt Hildi Eir alla tíð frá
því að hún krafðist þess að á hana
væri hlustað frá barnsaldri, svo ger-
ir hún miklar kröfur til sjálfrar sín.
Hugsar áður en hún talar
Ég hef stundum haft áhyggjur af
því hvað það hlýtur að vera erfitt
fyrir hana eiga svona stjórnsama og
fyrirferðarmikla stóru systur, en ég
held að hún geti jafnvel haft húmor
fyrir því. Börnin mín eiga í henni
mikla vináttu og styrk og hún er ein
af þeim manneskjum sem ég elska
af heilu hjarta, hennar sorgir eru
mínar sorgir og hennar gleði er mín
gleði. Ef skugga hefur borið á vin-
áttu okkar þá hef ég orðið friðlaus
að þiggja fyrirgefningu hennar enda
er hún ólík mér að því leyti að hún
hugsar áður en hún talar, en þar
verður mér stundum á í messunni.
Forvitin og
næm á fólk
og aðstæður
Hún fæddist 21. júlí 1964 í Hrís-
ey. Hún varð stúdent frá MA
1984 og cand. theol. frá Há-
skóla Íslands 1991. Með guð-
fræðinámi starfaði hún sem
æskulýðsfulltrúi við Laugar-
neskirkju en vígðist svo til
prestsþjónustu í Vest-
mannaeyjum. Eftir það varð hún
fyrsti miðborgarpresturinn í
Reykjavík, en frá 1. desember
2005 hefur hún verið sóknar-
prestur í Garðaprestakalli. Hún
var varaborgarfulltrúi í Reykja-
vík 2002-2006, óháð af R-lista
og sat m.a. í velferðarráði,
stjórn heilsugæzlunnar og
kirkjubyggingasjóði.
Eiginmaður hennar er Bjarni
Karlsson, sóknarprestur
Laugarneskirkju. Þau eiga þrjú
börn; Andra, Matthildi og Bolla
Má og eitt barnabarn sem heitir
Bergþóra Hildur.
Jóna Hrönn
Hraði,
2 Mb/sek*.
Gagnamagn,
10 GB.
Verð 4.190 kr.
Það er800 7000 • siminn.is
E
N
N
E
M
M
/S
ÍA
/N
M
38
91
6
Leið 1:
INTERNET SÍMANS
Internet Símans er annað og meira en venjuleg nettenging
Þú hefur möguleika á hraðari nettengingu, meira gagnamagni, öruggri gagnageymslu,
Sjónvarpi Símans með fjölda sjónvarpsstöðva og vídeóleigu heima í stofu. Auk þess
fylgir Netvarinn öllum áskriftarleiðum. Skráðu þig í eina af nýju leiðunum.
* Hraði allt að 2 Mb/sek.
Fáðu fréttirnar
sendar í símann þinn